Аудандық мәслихаттың сегізінші шақырылымының тұрақты комиссиясының жоспардан тыс бірлескен отырысында депутаттар Қостанай облысының Өңірлік кәсіпкерлер палатасы филиалының директоры Г.Кукобаның Алтынсарин ауданының салық төлеушілері үшін салық мөлшерлемесін төмендетуге қатысты өтінішін қарады. Қазақстан Республикасы Салық кодексінің ережелеріне сәйкес, жергілікті өкілді органдарға (мәслихаттар) жеңілдетілген декларацияға негізделген арнайы салық режимін қолданған кезде қызмет түрі мен бизнестің орналасқан жеріне байланысты салық мөлшерлемесін 4%-дан 2%-ға дейін төмендету құқығы беріледі. «Алтынсарин ауданы бойынша Мемлекеттік кірістер басқармасы» ММ-нің басшысы Қ.Б. Рахметов салық саясаты, бюджетке салықтық және салықтық емес төлемдердің жоспарлы және нақты түсімі, сондай-ақ бюджет кіріс жоспарының орындалуы туралы ақпарат берді. Бұл мәселені қарап, берілген ақпаратты ескере отырып, депутаттар жеңілдетілген декларацияға негізделген арнайы салық режимін енгізу мақсатында салық мөлшерлемесін 4% деңгейінде өзгеріссіз қалдыру туралы бірауыздан шешім қабылдады.