АРАЛ АУДАНДЫҚ МӘСЛИХАТЫНЫҢ КЕЗЕКТЕН ТЫС СЕССИЯСЫ ӨТТІ
Бүгін аудан әкімдігінің мәжіліс залында сегізінші шақырылған аудандық мәслихаттың кезектен тыс 50 сессиясы өтті. Сессия жұмысына аудан әкімінің орынбасары, аудандық қоғамдық кеңес төрағасы, аудандық басқарма және бөлім басшылары, мәслихат аппараты қызметкерлері, бұқаралық ақпарат құралының өкілі қатысты. Сессияны аудандық мәслихат төрағасы Б.Турахметов ашып жүргізді.
Күн тәртібінде ұсынылған мәселелер:
1. «2026-2028 жылдарға арналған аудандық бюджет туралы» Арал аудандық мәслихатының 2025 жылғы 18 желтоқсандағы №461 шешіміне өзгерістер енгізу туралы.
Хабарламашы: Т.Рашев – аудандық экономика және қаржы бөлімінің басшысы.
2.«2026-2030 жылдарға арналған Арал ауданының даму жоспарын бекіту туралы» Арал аудандық мәслихатының 2025 жылғы 29 желтоқсандағы №495 шешіміне өзгеріс енгізу туралы.
Хабарламашы: Т.Рашев – аудандық экономика және қаржы бөлімінің басшысы.
3. Арал аудандық мәслихатының депутаты Т.Қанатовтың депутаттық өкілеттігін тоқтату туралы.
Хабарламашы: Б.Турахметов – аудандық мәслихат төрағасы.
Жалпы сессияның күн тәртібіндегі мәселелер қаралып, депутаттар тарапынан ұсыныс-пікірлер айтылып, тиісті шешімдер қабылданды.