Облыстық әкімдікте Қостанай облысы әкімінің өкімімен санитариялық-эпидемиологиялық бақылау департаментінің бастамасымен құрылған мектеп оқушылары арасында жұқпалы емес аурулардың алдын алу және салауатты өмір салтын қалыптастыру жөніндегі ведомствоаралық комиссияның отырысы өтті.
Отырысты облыс әкімінің орынбасары Е.К.Тасжүрековтың төрағалығымен, мүдделі мемлекеттік органдар мен өңірлік кәсіпкерлер палатасының өкілдерінің қатысуымен өтті.
Жұқпалы емес аурулар Қазақстан халқының сырқаттанушылық пен өлім-жітім құрылымында жетекші орындардың бірін алады. Оларға жүрек-қан тамырлары аурулары, қант диабеті, тыныс алу мүшелерінің аурулары, онкологиялық аурулар және басқа да созылмалы патологиялар жатады. Қазақстан Республикасы Денсаулық сақтау министрлігінің мәліметтері бойынша, инфекциялық емес аурулардың үлесіне елдегі барлық өлім жағдайларының 80%-дан астамы тиесілі. Әсіресе балалар мен жасөспірімдер арасында сырқаттанушылықтың артуы алаңдатарлық жағдай болып отыр.
Қостанай облысында соңғы 5 жылдағы медициналық статистиканы талдау нәтижелері бойынша балалар мен жасөспірімдер арасында семіздік, гиподинамия, зат алмасу бұзылыстары және жұқпалы емес аурулардың басқа да қауіп факторлары белгілері анықталатын жағдайлардың өскені байқалады.
Отырыс барысында жалпы білім беретін мектеп оқушылары арасында жүргізілген сауалнама нәтижелері де қаралды, профилактикалық шаралар әзірленіп, мемлекеттік органдарға тиісті тапсырмалар берілді.