Алматы облысы Алатау қаласының учаскелік сайлау комиссияларының құрамын қалыптастыру туралы Алматы облысы Алатау қаласы мәслихатының ХАБАРЛАМАСЫ
«Қазақстан Республикасындағы сайлау туралы» Қазақстан Республикасы Конституциялық заңының (бұдан әрі – Сайлау туралы Конституциялық заң) 10-бабына сәйкес Алатау қалалық
мәслихаты 3 учаскелік сайлау комиссиясының құрамын құру туралы хабарлайды.
Учаскелік сайлау комиссиялары 5-7 мүшеден құрылады.
Әрбір саяси партия тиісті сайлау комиссиясына бір кандидат ұсынуға құқылы.
Саяси партия сайлау комиссиясының құрамына осы саяси партияның мүшесі болып табылмайтын кандидаттарды ұсынуға құқылы.
Саяси партиялардың ұсыныстары болмаған жағдайда мәслихаттар сайлау комиссиясын басқа қоғамдық бірлестіктердің және жоғары тұрған сайлау комиссияларының ұсыныстары бойынша сайлайды.
Саяси партиялар, өзге де қоғамдық бірлестіктер, олардың құрылымдық бөлімшелері және жоғары тұрған сайлау комиссиялары құрылатындарға қатысты мәслихатқа 2025 жылғы 6 қарашадан бастап 2025 жылғы 20 қарашаға дейін мынадай құжаттарды тапсырады:
1) электрондық және қағаз жеткізгіштегі белгіленген нысандағы сайлау комиссияларына кандидаттар туралы мәліметтер;
2) саяси партияның, қоғамдық бірлестіктің немесе олардың филиалдарының (өкілдіктерінің), жоғары тұрған сайлау комиссиясының тиісті сайлау комиссияларының құрамына кандидаттар ұсыну туралы шешімінен үзінді көшірме;
3) саяси партияны, қоғамдық бiрлестiктi немесе олардың филиалдарын (өкiлдiктерiн) тiркеу туралы құжаттың көшiрмесi;
4) кандидаттардың белгіленген нысандағы сайлау комиссиясының жұмысына қатысуға келісімі туралы өтініштері.
Сайлау комиссияларының мүшелігіне кандидаттар туралы ақпараттық бланкілер және сайлау комиссияларының жұмысына қатысуға келісімі туралы өтініштер мәслихаттың интернет-ресурсында орналастырылған.
Сайлау комиссиясының мүшелігіне ұсынылатын адам Сайлау туралы Конституциялық заңның талаптарына сай болуы керек.
Сайлау комиссиясының мүшесі комиссияның құрамын құраған мәслихат орналасқан әкімшілік-аумақтық бірліктің аумағында тұруға тиіс.
Сайлау туралы Конституциялық заңның 23-бабының 3-тармағында көзделген сайлау учаскелерін құру жағдайларын қоспағанда, сайлау комиссиясы мүшелерінің жартысынан астамы бір ұйымның қызметкерлері болмауы тиіс.
Жақын туыстары (ата-анасы, балалары, асырап алушылары, асырап алынғандар, толық және толық емес аға-інілер, ата-әжелер, немерелер) немесе жұбайлар бір сайлау комиссиясының мүшелері бола алмайды.
Мәслихатқа құжат тапсырғанда ұсынылатын барлық құжаттар қол қойылған, мөрмен расталған және орындалған күні, тегі, аты-жөні және телефон нөмірі көрсетілген орындаушы туралы белгі болуы тиіс.
Сайлау комиссияларының құрамы бойынша ұсыныстар 2025 жылғы 20 қарашаға дейін дүйсенбіден жұмаға дейін сағат 08:00-ден 17:30-ға дейін, үзіліс сағат 12:30-дан 14:00-ге дейін қабылданады.
Алатау қаласының мәслихаты
Абилова Р.М. - Алатау қаласы мәслихатының төрағасы.
Мәслихаттың орналасқан жері: Алматы облысы, Алатау қаласы, Жетыген шағын ауданы, Құдайбергенова көшесі, №2 ғимарат.
Жауапты тұлғалар: Бозжанқызы Асем, Болатова Бақыт Болатқызы, әкімдік ғимараты, екінші қабат, жұмыс телефондары: (8727)52 50 5 98, электрондық пошта мекенжайы: [email protected]
№ п/п |
Сайлау округінің нөмірі |
Сайлау комиссиясының оналасқан жері |
Сайлау комиссиясы мүшелерінің саны |
1 |
2 |
3 |
4 |
|
Учаскелік сайлау комиссиялары – 3 | |||
1. |
№ 1030 |
Алатау қаласы, Қоянқұс шағын ауданы, Абай көшесі, 2Е корпусы |
7 |
2. |
№ 1031 |
Алатау қаласы, Жаңаталап шағын ауданы, Қонаев көшесі, 1 ғимарат |
7 |
3. |
1032 |
Алатау қаласы, Заречный шағын ауданы |
5 |