2025 жылғы 10 маусымда БҚО бойынша ЭТТД басшысының орынбасары Е.К.Жұмабаев Батыс Қазақстан облысының Кәсіпкерлер палатасында өткен халықаралық жүк тасымалдарының өңірлік өкілдерінің қатысуымен болған қызметтік кездесуіне қатысты. Кездесудің негізгі тақырыбы — «CarGoRuqsat» электронды кезек автоматтандырылған жүйесі болды.
Кездесу барысында қатысушылар тасымалдаушылардың көлік құралдарын, жүктерді және тауарларды өткізу пунктерінде тап болатын өзекті мәселелерді, сондай-ақ электронды кезектің артықшылықтарын — ашықтықты, күту уақытын қысқартуды және логистикалық үдерістерді жеңілдетуді талқылады. Бизнес өкілдері шекарада туындайтын кідірістерге алаңдаушылық білдіріп, құзіретті органдармен тиімді өзара іс-қимылдың маңыздылығын атап өтті.
Мұндай кездесулер өңірдегі ахуал жағдайларды бақылауға алып, оларға дер кезінде әрекет етуге ықпал етеді.