Жаңа жыл – барша балақай асыға күтетін, таңғажайып әрі ең көңілді отбасылық мерекелердің бірі. Сиқырға толы мейрамға орай Бикен Римова атындағы Талдықорған драма театры кішкентай бүлдіршіндер назарына «Смурфиктердің бастан кешкен оқиғасы» жаңа жылдық қойылымын ұсынады. Аталмыш ертегі 17 желтоқсаннан бастап 29-шы желтоқсанға дейін Жетісулық кішкентай көрермендерге ұсынылмақ. Биыл жаңа жылдық ертегі екі тілде сахналанады!
Ұлан Ахметовтың «Смурфиктердің бастан кешкен оқиғасы» шоу ертегісін назарларыңызға ұсына отырып, сіздерді жаңа жылдық қойылымды тамашалауға шақырамыз! Мұнда театр артистері музыканың сүйемелдеуімен балалардың сүйікті мультфильм кейіпкерлерінің бейнесіне еніп жаңа жылдық шытырман оқиғаға толы ертегіні баяндайды! Бізбен бірге ертегілер әлеміне саяхат жаса, кішкентай көрермен!
Билеттерді Ticketon.kz сайтында және театрдың кассасынан (87773948815) ала аласыздар!