2023-2025 жылдарға арналған облыстық бюджет туралы

2023-2025 жылдарға арналған облыстық бюджет туралы

Қазақстан Республикасының Бюджет кодексінің 8-бабының 2-тармағына, 75-бабының 2-тармағына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 6-бабы 1-тармағының 1) тармақшасына сәйкес Түркістан облыстық мәслихаты ШЕШТІ:

1. Түркістан облысының 2023-2025 жылдарға арналған облыстық бюджеті 1, 2 және 3-қосымшаларға сәйкес, оның ішінде 2023 жылға мынадай көлемде бекiтiлсiн:

1) кiрiстер – 1 041 229 184 мың теңге, оның iшiнде:

салықтық түсiмдер – 59 105 181 мың теңге;

салықтық емес түсiмдер – 5 473 500 мың теңге;

негізгі капиталды сатудан түсетін түсімдер – 5 323 мың теңге;

трансферттер түсiмi – 968 133 224 мың теңге;

2) шығындар – 1 007 369 834 мың теңге;

3) таза бюджеттiк кредиттеу – - 12 956 983 мың теңге, оның ішінде:

бюджеттік кредиттер – 0 мың теңге;

бюджеттік кредиттерді өтеу – 12 956 983 мың теңге;

4) қаржы активтерімен операциялар бойынша сальдо – 0 мың теңге, оның ішінде:

қаржы активтерін сатып алу – 0 мың теңге;

5) бюджет профициті – 46 816 333 мың теңге;

6) бюджет профицитін пайдалану – - 46 816 333 мың теңге.

2. 2023 жылға облыстық бюджетке және аудандық (облыстық маңызы бар қалалардың) бюджеттеріне кірістерді бөлу нормативтері келесідей мөлшерлерде белгіленсін:

ірі кәсіпкерлік субъектілерінен және мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы бойынша аудандар (облыстық маңызы бар қалалар) бюджеттеріне - 50 пайыз;

облыстық бюджетке аудандардан (облыстық маңызы бар қалалардан) - 50 пайыз;

төлем көзінен салық салынатын табыстардан ұсталатын жеке табыс салығы бойынша аудандар (облыстық маңызы қалалар) бюджеттеріне - 50 пайыз;

облыстық бюджетке аудандардан (облыстық маңызы бар қалалардан) - 50 пайыз;

төлем көзінен салық салынбайтын шетелдік азаматтар табыстарынан ұсталатын жеке табыс салығы бойынша аудандар (облыстық маңызы бар қалалар) бюджеттеріне - 50 пайыз;

облыстық бюджетке аудандардан (облыстық маңызы бар қалалардан) - 50 пайыз;

әлеуметтік салығы бойынша аудандар (облыстық маңызы қалалар) бюджеттеріне - 50 пайыз;

облыстық бюджетке аудандардан (облыстық маңызы бар қалалардан) - 50 пайыз;

төлем көзінен салық салынбайтын табыстардан ұсталатын жеке табыс салығы бойынша аудандар (облыстық маңызы бар қалалар) бюджеттеріне - 100 пайыз;

өңірдің әлеуметтік-экономикалық дамуы мен оның инфрақұрылымын дамытуға жер қойнауын пайдаланушылардың аударымдары бойынша облыстық бюджетке – 100 пайыз.

3. 2023 жылға аудандар (облыстық маңызы бар қала) бюджеттерінен облыстық бюджетке бюджеттік алып қоюлардың жалпы көлемдері 8 529 057 мың теңге сомасында қарастырылсын, оның iшiнде:

Сайрам ауданынан – 2 869 497 мың теңге;

Сарыағаш ауданынан – 1 306 096 мың теңге;

Созақ ауданынан – 4 353 464 мың теңге.

4. 2023 жылға облыстық бюджеттен аудандар (облыстық маңызы бар қалалар) бюджеттеріне берiлетiн субвенциялар мөлшерiнің жалпы сомасы 24 919 533 мың теңге болып қарастырылсын, оның iшiнде:

Бәйдібек ауданына – 2 178 142 мың теңге;

Жетісай ауданына – 2 752 375 мың теңге;

Қазығұрт ауданына – 461 430 мың теңге;

Келес ауданына – 2 482 756 мың теңге;

Мақтаарал ауданына – 3 352 084 мың теңге;

Ордабасы ауданына – 1 672 523 мың теңге;

Отырар ауданына – 2 745 638 мың теңге;

Сауран ауданына – 2 310 798 мың теңге;

Төлеби ауданына – 956 225 мың теңге;

Түлкібас ауданына – 673 319 мың теңге;

Шардара ауданына – 1 697 759 мың теңге;

Арыс қаласына – 1 282 282 мың теңге;

Кентау қаласына – 1 757 574 мың теңге;

Түркістан қаласына – 596 628 мың теңге.

5. 2023 жылға арналған облыстық бюджетте аудандар (облыстық маңызы бар қалалар) бюджеттеріне берілетін ағымдағы нысаналы трансферттердің қарастырылғаны ескерілсін, оның iшiнде:

облыстың энергетика және тұрғын үй-коммуналдық шаруашылық басқармасы;

облыстың жұмыспен қамтуды үйлестіру және әлеуметтік бағдарламалар басқармасы;

облыстың мәдениет басқармасы;

облыстың жер қатынастары басқармасы;

облыстың сәулет және қала құрылысы басқармасы;

облыстың жолаушылар көлігі және автомобиль жолдары басқармасы бойынша.

Көрсетілген трансферттерді аудандар (облыстық маңызы бар қалалар) бюджеттеріне бөлу облыс әкімдігінің қаулысы негізінде жүзеге асырылады.

6. 2023 жылға арналған облыстық бюджетте аудандар (облыстық маңызы бар қалалар) бюджеттеріне берілетін нысаналы даму трансферттерінің қарастырылғаны ескерілсін, оның iшiнде:

облыстың энергетика және тұрғын үй-коммуналдық шаруашылық басқармасы;

облыстың жолаушылар көлігі және автомобиль жолдары басқармасы;

облыстың құрылыс басқармасы.

Көрсетілген трансферттерді аудандар (облыстық маңызы бар қалалар) бюджеттеріне бөлу облыс әкімдігінің қаулысы негізінде жүзеге асырылады.

7. 2023 жылға арналған облыстық бюджетте аудандық (облыстық маңызы бар қалалардың) бюджеттеріне мамандарды әлеуметтік қолдау шараларын іске асыру үшін кредиттер қарастырылғаны ескерілсін.

Көрсетілген кредиттерді аудандар (облыстық маңызы бар қалалар) бюджеттеріне бөлу облыс әкімдігінің қаулысы негізінде жүзеге асырылады.

8. Облыс әкімдігінің 2023 жылға арналған резервi 1 000 000 мың теңге сомасында бекітілсін.

9. 2023 жылға арналған жергілікті бюджеттің атқарылуы процесiнде секвестрлеуге жатпайтын жергілікті бюджеттiк бағдарламалардың тiзбесi 4-қосымшаға сәйкес бекiтiлсiн.

10. Осы шешім 2023 жылдың 1 қаңтарынан бастап қолданысқа енгізіледі.