" Пациенттерге стационарға емдеуге жатқызуға жолдама беру" мемлекеттік қызметін көрсетуге қойылатын негізгі талаптардың тізбесі
Мемлекеттік қызметті көрсету тәсілдері: "электрондық үкіметтің" веб-порталы (бұдан әрі – портал) арқылы тікелей МСАК ұйымдарымен.
Мемлекеттік қызметті көрсету мерзімі: МСАК ұйымына жүгінген кезде:
1) пациент құжаттарын тапсырған сәттен бастап - 1 (бір) жұмыс күні ішінде.
2) құжаттарды тапсыру үшін күтудің рұқсат етілген ең ұзақ уақыты – 30 (отыз) минут.
Портал арқылы жүгінген кезде
мемлекеттік көрсетілетін қызмет пациент құжаттарды тапсырған сәттен бастап жүгінген күні 30 (отыз) минуттан аспай көрсетіледі.
Мемлекеттік қызметті көрсету үшін көрсетілетін қызметті алушыдан талап етілетін құжаттар мен мәліметтердің тізбесі: Көрсетілетін қызметті берушіге жүгінген кезде:
1) жеке куәлік немесе цифрлық құжаттар сервисінен электрондық құжат (сәйкестендіру үшін).
2) жіберілетін диагнозға сәйкес клиникалық-диагностикалық зерттеулердің нәтижелері.
Портал арқылы жүгінген кезде:
Көрсетілетін қызметті алушының жеке басын куәландыратын құжат туралы мәліметтерді көрсетілетін қызметті беруші цифрлық құжаттар сервисінен (сәйкестендіру үшін) порталда тіркелген пайдаланушының ұялы байланыс абоненттік нөмірі арқылы бір реттік парольді беру немесе портал хабарламасына жауап ретінде қысқа мәтіндік хабарлама жіберу арқылы ұсынылған құжат иесінің келісімі болған жағдайда алады.
Учаскелік дәрігер, бейінді мамандар жазбаларының және клиникалық-диагностикалық зерттеулердің нәтижелерінің электрондық көшірмелері медициналық ақпараттық жүйелерден алынады.
Мемлекеттік қызметті көрсету нәтижесі: "Пациенттерге стационарға емдеуге жатқызуға жолдама беру" мемлекеттік қызмет көрсету қағидаларына 2-қосымшаға сәйкес стационарға емдеуге жатқызуға жолдама беру немесе мемлекеттік қызметті көрсетуден дәлелді бас тарту
Мемлекеттік қызметті көрсетуден бас тарту үшін Қазақстан Республикасының заңдарында белгіленген негіздер 1) Көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігінің анықталуы.
2) Көрсетілетін қызметті алушының мемлекеттік қызметті көрсету үшін талап етілетін "Дербес деректер және оларды қорғау туралы" Қазақстан Республикасы Заңының 8-бабына сәйкес берілетін қолжетімділігі шектеулі дербес деректерге қол жеткізуге келісімінің болмауы.