Қоғамдық кеңесінің жұмыс жоспарына сәйкес, жұмыс тобы мектепке дейінгі ұйымдардағы мемлекеттік рәміздердің қолданыстағы талаптарға сәйкестігі мәселесін зерделеу мақсатында бірқатар мектепке дейінгі ұйымдарда қоғамдық бақылау жұмыстарын жүзеге асырды. Бақылау барысында мемлекеттік Ту мен Елтаңбаның орналастырылуы, олардың белгіленген стандарттар мен талаптарға сәйкестігі, сондай-ақ мемлекеттік рәміздерді пайдалану тәртібінің сақталуы зерделенді. Сонымен қатар ұйым басшыларына мемлекеттік рәміздердің мәртебесін сақтау және оларды қолдану талаптарын қатаң ұстану қажеттігі жөнінде түсіндіру жұмыстары жүргізілді. Қоғамдық бақылау нәтижелері қорытындыланып, анықталған ұсыныстар мен ескертулер Қоғамдық кеңестің алдағы отырысында қаралатын болады.
