2026 жылғы 30 желтоқсанда Жамбыл облысы Жуалы ауданында шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөнінде конкурс өткізіледі.
Конкурсқа жалпы көлемі 1 327,1029 гектарды құрайтын 54 жер учаскесі ұсынылады. Оның ішінде 718,3811 гектары – егістік, 608,7218 гектары – жайылымдық жерлер.
Конкурсқа қатысу өтінімдері 2026 жылғы 8–29 желтоқсан аралығында Жуалы ауданы әкімдігінің жер қатынастары бөлімінде (Б. Момышұлы ауылы, Д. Қонаев көшесі, №1/2) қабылданады.
Конкурс 30 желтоқсанда сағат 10:00-де Б. Момышұлы ауылындағы Жамбыл көшесінде орналасқан әкімшілік ғимаратында өтеді.
Қосымша ақпарат алу үшін: 8 (72635) 2-15-39, 2-18-82 телефондарына хабарласуға болады.