Мемлекеттік көрсетілетін қызметтер туралы ақпарат
Абай облысының кәсіпкерлік және индустриялық-инновациялық даму басқармасы e-License (Е-лицензиялау) электрондық порталы арқылы төмендегі мемлекеттік қызметтерді көрсету бойынша жұмыстар жүргізеді.
Жер қойнауын пайдалану бөлімі
Жер қойнауын пайдалану бөлімі келесі мемлекеттік қызметтерді көрсету бойынша жұмыстар жүргізеді:
Е-лицензиялау (e-License) порталы арқылы 40 өтініш келіп түсті, оның ішінде:
«Старательдікке лицензия беру» мемлекеттік қызметі бойынша 2026 жылы 9 лицензия берілді, 31 өтініш бойынша бас тарту туралы шешім қабылданды.
Жер қойнауын пайдаланудың бірыңғай платформасы – minerals.e-qazyna.kz (ЖПБП) арқылы 128 өтініш келіп түсті, оның ішінде:
«Жер учаскесін алдағы құрылысқа дайындау кезінде жер қойнауында пайдалы қазбалардың жоқтығы немесе олардың аз мөлшерде болуы туралы қорытынды беру» мемлекеттік қызметі бойынша 2026 жылы 52 қорытынды берілді;
«Старательдікке лицензия беру» мемлекеттік қызметі бойынша 2026 жылы 25 лицензия берілді, 1 лицензияның қолданылу мерзімін ұзартуға байланысты қайта ресімдеу жүргізілді.
Қазіргі уақытта Абай облысында кең таралған пайдалы қазбаларды өндіру қызметін 73 кәсіпорын жүзеге асырады.
Оның ішінде 40 кәсіпорын пайдалы қазбаларды өндіруге арналған 47 келісімшарт негізінде, ал 32 кәсіпорын өндіруге берілген 48 лицензия негізінде қызмет атқарады. 2026 жылы 6 лицензия берілді.
Мемлекеттік меншіктегі жалпыға ортақ пайдаланылатын автомобиль және теміржолдарды салуға (реконструкциялауға) және жөндеуге қажетті кең таралған пайдалы қазбаларды өндіру үшін 47 рұқсат қолданыста («Чайна Харбоур Инжиниринг Компания ЛТД» компаниясының Қазақстандағы филиалы, «Теміржол Жөндеу» ЖШС, «KAZ Minerals Aktogay» (Қаз Минералс Ақтоғай) ЖШС).
Сонымен қатар, «KAZ Minerals Aktogay» (Қаз Минералс Ақтоғай) ЖШС-не барлау жұмыстарын жүргізуге берілген 1 рұқсат қолданыста.