«KEDEN» цифрлық жүйесінің Қолдау қызметіне өтініш беру қағидалары

«KEDEN» цифрлық жүйесімен жұмыс істеу барысында туындайтын мәселелер бойынша жедел көмек көрсету мақсатында Қолдау қызметінің **[email protected]** электрондық пошта мекенжайы ашылған.

1. Өтінішті ресімдеу тәртібі

Өтініш төмендегі үлгіге сәйкес ресімделуі тиіс.

Хабарлама тақырыбы:

ХХХХХХХХХХХХ/YYYYYYYYYYYY/АЖ/Пайдаланушы мәселесінің қысқаша сипаттамасы

Хабарлама мәтіні:

1. Ақпараттық жүйенің немесе пайдаланылатын бағдарламалық қамтамасыз етудің атауы;
2. Бағдарламалық қамтамасыз етудің нұсқасы;
3. Хабарламаның мақсатын көрсететін жұмыс процесінің сипаттамасы;
4. Қоса берілетін мәліметтер:
   • қате туралы хабарламаның мәтіні;
   • қате туындайтын әрекеттердің сипаттамасы;
   • қосымша ақпарат (журнал файлдары (log), экран суреттері (screenshot) және т.б.).
5. Жіберуші туралы мәліметтер: салық төлеушінің атауы, жауапты тұлғаның тегі, аты және әкесінің аты (Т.А.Ә.).

Мұндағы:

• ХХХХХХХХХХХХ — салық төлеушінің тіркеу нөмірі (РНН);
• YYYYYYYYYYYY — салық төлеушінің жеке сәйкестендіру нөмірі (ЖСН) немесе бизнес-сәйкестендіру нөмірі (БСН).

Қажет болған жағдайда «KEDEN» Қолдау қызметі пайдаланушыға «Қосымша ақпарат ұсыну туралы сұрау салу» жібереді. Бұл ретте жауап дайындауға жауапты маман сұрау салуға толық әрі жан-жақты жауап беру үшін қажетті ақпаратты ұсыну мақсатында пайдаланушыға нұсқаулықтар немесе орындалуы тиіс әрекеттердің сипаттамасын жібере алады.

2. Мәселені талдау үшін сұратылуы мүмкін қосымша ақпарат

«KEDEN» цифрлық жүйесінің Қолдау қызметі мәселені талдау мақсатында пайдаланушыдан төмендегі қосымша ақпаратты сұратуы мүмкін.

2.1. Мәселенің туындауына қатысты ақпарат

1. Мәселенің туындаған күні мен уақыты (КК.АА.ЖЖ, СС:ММ).
2. Мәселенің толық сипаттамасы.

2.2. Клиенттік жабдықтың сипаттамалары

1. Орталық процессордың (CPU) түрі.
2. Орталық процессордың тактілік жиілігі (ГГц).
3. Жедел жад көлемі (МБ).
4. salyk.kz ресурсымен желілік қосылым жылдамдығы (КБ/с).
5. Клиенттік бағдарламалық қамтамасыз ету орнатылған дискідегі бос орын көлемі (МБ).

2.3. Пайдаланушының жалпы бағдарламалық қамтамасыз етуі

1. Операциялық жүйе.
2. Операциялық жүйенің сервистік пакетінің (Service Pack) нұсқасы.

2.4. «Салық төлеушінің кабинеті» веб-қосымшасы

1. Пайдаланылатын веб-браузердің атауы.
2. Веб-браузердің нұсқасы.
3. Java-қосымшасының нұсқасы.