Сыбайлас жемқорлыққа қарсы күрес туралы сөз болғанда, көп жағдайда бұл міндет құқық қорғау органдарына, мемлекеттік қызметшілерге немесе басшыларға ғана қатысты деген түсінік қалыптасады. Алайда сыбайлас жемқорлықтың алдын алу – баршамызға ортақ міндет.
Өйткені бұл мәселе тек заң талаптарын бұзуға жол бермеумен шектелмейді. Оның астарында әділдік, жауапкершілік, қоғамдағы өзара сенім және әр азаматтың мемлекетке деген көзқарасы жатыр.
Әр адам заң үстемдік ететін, мәселе таныстықпен емес, белгіленген тәртіппен шешілетін, мемлекеттік қызметтер баршаға бірдей көрсетілетін қоғамда өмір сүргісі келеді. Кәсіпкер де өз кәсібін адал бәсекелестік жағдайында жүргізіп, өзінің еңбегі мен бастамасына қарай нәтиже алғысы келеді. Ал мемлекеттік қызметші қабылдаған шешім жеке мүддеге емес, заңға және халықтың игілігіне негізделуі тиіс.