Рухтың асқақ үні, ерліктің мәңгілік жыршысы, абыз ақын Махамбет Өтемісұлының өшпес мұрасын дәріптеуге арналған республикалық шығармашылық «Махамбет оқулары» байқауының аудандық кезеңі өтті.
Ақынның өр рухын жас ұрпақтың санасына сіңіріп, өнерпаз балалардың талант қырын ұштау мақсатында ұйымдастырылған байқау 5 номинация бойынша тартысты өрбіді. Қатысушылар батырдың жырларын мәнерлеп оқып, өз өнерлерінде туған жерге деген сүйіспеншілік пен ұлттық рухты асқақтата білді.
Әділқазылар алқасы қатысушылардың шеберлігін, сахна мәдениетін және сөз саптау ерекшелігін таразылап, әр номинация бойынша үздіктерді анықтады. Тартысты бәсекенің қорытындысы бойынша топ жарған 5 оқушы байқаудың облыстық кезеңіне қатысуға жолдама алды.
Шараның толық нәтижелері мен жеңімпаздардың тізімі төмендегі қосымша хаттамада көрсетілген. Барлық жүлдегерлер мен оларды дайындаған ұстаздарға шығармашылық табыс, алдағы облыстық кезеңде сәттілік тілейміз!
Жүктеу
Протокол
Протокол
PDF · 1,8 МБ