Құрметті Бөгенбай ауылдық округінің ауыл шаруашылығы тауарын өндірушілері!
Бөгенбай ауылдық округінің ауыл шаруашылығы мақсатындағы жерлеріне жүргізілген топырақты зерттеу нәтижелері бойынша, жерді пайдалану аумағында ең көп таралған кәдімгі орташа қалыңдықтағы қара топырақтың жоғарғы гумусты-аккумулятивті қабатында органикалық заттардың азайғаны анықталды.
Бұл технологиялық операциялар жиынтығы азайған бір агротехниканы ұзақ уақыт бойы қолданумен, сондай-ақ топыраққа органикалық және минералды тыңайтқыштардың түспеуімен байланысты.
Астық пен азық өндірісін арттырудың басты резервтерінің бірі — арамшөптермен күрес. Арамшөптерді жою жөніндегі шаралар кешенінде жоғары егіншілік мәдениеті, ауыспалы егістер, топырақты өңдеу және гербицидтерді қолдану өзара ұштасады.
Топырақ құнарлылығын арттыратын агротехникалық құралдардың ішінде бірінші орын сүргіге (парга) тиесілі.
Топырақтағы органикалық заттардың (гумустың) тапшылықсыз немесе оң балансын қамтамасыз ету үшін оны жинақтаудың ең арзан әрі тиімді дереккөздеріне үлкен көңіл бөлінуі тиіс:
- атыздарда майдаланған сабанды қалдыру;
- көпжылдық шөптердің, әсіресе бұршақ-астық тұқымдас дақылдардың егіс көлемін кеңейту;
- органикалық тыңайтқыштарды өндіру, сақтау және топыраққа енгізу әдістерін жақсарту;
- топырақтың ластануына жол бермей, өсімдіктерді жеткілікті қоректендіруді қамтамасыз ететін мөлшерде минералды тыңайтқыштар енгізу;
- ғылыми негізделген гумус сақтайтын ауыспалы егістерді сақтау;
- қарқынды егіншіліктің топырақ қорғау бағыты;
- аралық егістерді кеңінен қолданып, олардың бір бөлігін минералды тыңайтқыш ретінде жыртып жіберу;
- топырақты ұтымды өңдеу, топырақты минималды және нөлдік өңдеуді толық игеру.
Органикалық тыңайтқыштар топырақтағы гумус мөлшерін арттыру және оның құрылымын жақсарту үшін енгізіледі. Органиканы енгізудің ең төменгі мөлшері — гектарына 15-20 тонна. Фосфор тыңайтқыштарын енгізудің ең жақсы орны — сүр танабы, оның мөлшері бес және алты танапты ауыспалы егіс ротациясында бір рет негізгі өңдеуге гектарына 90-120 кг әсер етуші зат (ә.з.) құрайды. Азот тыңайтқыштары тек көктемде енгізіледі. Азот пен фосфор мөлшері төмен болған жағдайда, егіспен бірге азот тыңайтқыштарын гектарына 20-25 кг ә.з. және фосфор тыңайтқыштарын 15-20 кг ә.з. мөлшерінде енгізу ұсынылады.
Ауыл шаруашылығы мақсатындағы жерлерді ұтымды пайдалану және қорғау бөлігіндегі жер заңнамасының талаптарын сақтау мақсатында топырақтың құнарлылығын сақтауға және арттыруға бағытталған жоғарыда аталған ұсынымдарды орындау бойынша тиісті шаралар қабылдау, сондай-ақ олардың тиісті түрде орындалуын қамтамасыз ету қажет.
Ұсынылатын іс-шараларды іске асыру гумус мөлшерінің әрі қарай төмендеуінің алдын алуға, топырақ құнарлылығын сақтауға және ауыл шаруашылығы мақсатындағы жерлерді ұтымды әрі орнықты пайдалануды қамтамасыз етуге мүмкіндік береді.