Сыбайлас жемқорлық тәуекелдеріне сыртқы талдау жүргізу қағидаларының 22-тармағына және сыбайлас жемқорлық тәуекелдеріне сыртқы талдау нәтижелері бойынша анықталған сыбайлас жемқорлық құқық бұзушылықтарын жасауға ықпал ететін себептер мен жағдайларды жою жөніндегі іс-шаралар жоспарына сәйкес Рудный қаласы әкімдігінің «Рудный қалалық кәсіпкерлік, ауыл шаруашылығы және ветеринария бөлімі» ММ мынадай іс-шаралар мерзімдеріне сәйкес орындалды:
Бөлімнің барлық мемлекеттік қызметшілері сыбайлас жемқорлыққа қарсы шектеулермен танысты.
Кадрлық бұйрықтар «Е-қызмет» ИАЖ-ге уақтылы және сапалы енгізіледі. Лауазымдық нұсқаулықпен жауапты мемлекеттік қызметші бекітілген.
Бөлімнің мемлекеттік қызметшілері заңнама талаптарын бұза отырып 2025 жылға арналған төлнеген бонустардың сомасы ерікті түрде және толық көлемде қайтарылды.
Анықталған бұзушылық фактісі бойынша кадр және заң қызметтері басшылығының қатысуымен лауазымды тұлғалардың сыйлықақысы және дербес жауапкершілігі туралы заңнаманың талаптарын түсіндіре отырып, кеңес ұйымдастырылды және өткізілді.
Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тiркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүрiп өту мүмкiндiгi жоғары арнайы машиналарды жыл сайынғы мемлекеттiк техникалық қарап-тексеруден өткiзу туралы қағидаларына өзгерістер мен толықтырулар енгізу туралы ұсыныспен Қазақстан Республикасының Ауыл шаруашылығы министрлігіне сыбайлас жемқорлыққа қарсы қосымша тетіктерді енгізуді көздейтін хат дайындалып, жолданды.
Тұрақты негізде конкурстық құжаттаманы және мемлекеттік сатып алу қорытындылары бойынша өтінімдерді бағалау хаттамаларын Рудный қаласы әкімі аппаратының заң қызметімен міндетті түрде келісу жүргізіледі.