ҚР ДЕНСАУЛЫҚ САҚТАУ МИНИСТРЛІГІНІҢ ОРТАЛЫҚ АППАРАТЫНДА КЕЗДЕСУ ӨТТІ
Ағымдағы жылғы 3 маусымда «Жалпыұлттық құндылықтарды қалыптастыру»
№ 5 үлгілік базалық бағыты шеңберінде «Тарихшыларды, этнографтарды, этнологтарды, ақындарды шығармашылық зиялы қауымды, депутаттарды шақыруымен тақырыптық кездесулер өткізу» 1.2-тармағын орындау мақсатында Орталық аппаратының және Комитеттердің мемлекеттік қызметшілерінің қатысуымен кездесу өтті.
Кездесу барысында республикалық және салалық медициналық терминология комиссиясының мүшелері «С.Ж. Асфендияров атындағы Қазақ ұлттық медицина университеті» КеАҚ қалыпты анатомия кафедрасының профессор ассистенті Бауыржан Шакенұлы Шакенов «Анатомиялық терминдер». Тәуелсіздік пен Патриотизм» тақырыбында баяндама жасап, анатомиялық терминдердің қалыптасу тарихы, олардың медициналық білім беру мен практикадағы маңызы туралы айтты.
«С.Ж. Асфендияров атындағы Қазақ ұлттық медицина университеті» КеАҚ профессоры, гистология кафедрасының меңгерушісі Марал Жүнісбекқызы Ерғазина «Ғылымдағы медициналық терминдер. Тәуелсіздік пен патриотизм» тақырыбында сөз сөйлеп, медициналық терминологияны бірізділендіру, ғылыми тіл мәдениетін дамыту және қазақ тіліндегі медициналық терминдердің қолданыс аясын кеңейту, ұлтық ғылыми тілдің дамуына үлес қосу әрбір ғалым мен маманның азаматтық әрі патриоттық міндеті екенін жеткізді.
Іс-шара соңында қатысушылар ғылыми терминологияның өзекті мәселелерін талқылап, медицина саласындағы кәсіби қазақ тілінің маңыздылығы жөнінде пікір алмасты.
