Батыс Қазақстан облысының жолаушылар көлігі және автомобиль жолдары басқармасы «Орал-Тайпақ», «Орал-Жаңақала», «Орал-Қаратөбе» бағыты бойынша жолаушылар тасымалын жүзеге асыратын «Қазақстан Елім» ЖШС-ның 2026 жылғы 1 қыркүйектен бастап өз жұмысын тоқтатқанын хабарлайды. Осыған байланысты аталған бағыт бойынша автобус қатынасы уақытша тоқтатылатын болады.
Қазіргі уақытта басқарма тарапынан жолаушылар тасымалын қамтамасыз ету мақсатында ықтимал тасымалдаушы компаниялармен жұмыстар жүргізілуде. Сонымен қатар жақын арада аталған маршруттарға қызмет көрсету құқығын беру үшін конкурс өткізу жоспарланып жатыр.
Қосымша ақпарат тиісті шешімдер қабылданғаннан кейін тұрғындардың назарына ұсынылады. Облыс тұрғындарынан уақытша қолайсыздықтарға түсіністікпен қарауды және шыдамдылық танытуды сұраймыз.
Батыс Қазақстан облысының жолаушылар көлігі және автомобиль жолдары басқармасы