ТАЛДАМАЛЫҚ АНЫҚТАМА Қарағанды облысының жолаушылар көлігі және автомобиль жолдары басқармасы» мемлекеттік мекемесінің қызметіндегі сыбайлас жемқорлық тәуекелдеріне ішкі талдау нәтижелері туралы Қарағанды қаласы 2026 жылғы 25 тамыз

ТАЛДАМАЛЫҚ АНЫҚТАМА

Қарағанды облысының жолаушылар көлігі және автомобиль жолдары басқармасы» мемлекеттік мекемесінің қызметіндегі сыбайлас жемқорлық тәуекелдеріне ішкі талдау нәтижелері туралы

Қарағанды қаласы 2026 жылғы 25 тамыз

КІРІСПЕ БӨЛІМ

Қарағанды облысының жолаушылар көлігі және автомобиль жолдары басқармасы» мемлекеттік мекемесі басшысының 2026 жылғы 13 шілдедегі №52 «Қарағанды облысының жолаушылар көлігі және автомобиль жолдары басқармасы» ММ қызметіндегі 2025 жыл және 2026 жылдың 1-жартыжылдығы кезеңіндегі сыбайлас жемқорлық тәуекелдеріне ішкі талдау жүргізу туралы» бұйрығы негізінде жұмыс тобы сыбайлас жемқорлық тәуекелдеріне ішкі талдау жүргізді.

Сыбайлас жемқорлық тәуекелдеріне ішкі талдау Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 19 қазандағы №12 бұйрығымен бекітілген Үлгілік қағидаларға сәйкес жүргізілді.

Сыбайлас жемқорлық тәуекелдеріне ішкі талдауды жұмыс тобы мынадай құрамда жүргізді:

• басқарма басшысының орынбасары – Мукушев Мерген Мейрамұлы (жұмыс тобының жетекшісі);
• автомобиль жолдары және жол инфрақұрылымын дамыту бөлімінің басшысы – Қуанышев Арғынғазы Бейбұтұлы (жұмыс тобының мүшесі);
• жолаушылар көлігі және тасымалдар бөлімінің басшысы – Мақышов Қазыбек Саятұлы (жұмыс тобының мүшесі);
• әкімшілік жұмыс жөніндегі бас маман – Кантаева Айгерім Бейбітқызы (жұмыс тобының мүшесі);
• заңгер – Конакбаев Марат Жолдыбекұлы (жұмыс тобының мүшесі).

1. «Қарағанды облысының жолаушылар көлігі және автомобиль жолдары басқармасы» ММ қызметіне қатысты құқықтық актілердегі сыбайлас жемқорлық тәуекелдерін анықтау

Ішкі құжаттарда анықталған тәуекелдер саны – 0 (бірлік).

«Қарағанды облысының жолаушылар көлігі және автомобиль жолдары басқармасы» мемлекеттік мекемесі Қазақстан Республикасының жолаушылар көлігі және Қарағанды облысындағы автомобиль жолдарының жұмыс істеуін қамтамасыз ету салаларында басшылықты жүзеге асыратын мемлекеттік орган болып табылады және өз қызметін Қазақстан Республикасының Конституциясы мен заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ Басқарма қызметі туралы ережеге сәйкес жүзеге асырады.

«Қарағанды облысының жолаушылар көлігі және автомобиль жолдары басқармасы» ММ-нің негізгі міндеттері:

1. көліктің барлық түрлерімен жолаушылар тасымалын ұйымдастыру;
2. жергілікті маңызы бар автомобиль жолдарын салу, жөндеу және күтіп-ұстау жұмыстарын ұйымдастыру.

Басқарманың негізгі функциялары:

1. өз құзыреті шегінде жолаушылар көлігі мен автомобиль жолдарын дамыту жөніндегі басым бағдарламаларды әзірлеу және іске асыру;
2. облыстың әлеуметтік-экономикалық даму жағдайын талдауға және Басқарманың құзыретіне кіретін мәселелер бойынша болжамдар, инвестициялық бағдарламалар әзірлеуге қатысу;
3. Басқарманың құзыретіне кіретін мәселелер бойынша облыс әкімдігі отырыстарына материалдар дайындауға қатысу;
4. жолаушылар мен багажды тұрақты қалааралық облысаралық, ауданаралық (облысішілік қалааралық) автомобиль тасымалдарын ұйымдастыру, оларға қызмет көрсету құқығына конкурстар ұйымдастыру және өткізу;
5. жолаушылар мен багажды тұрақты ауданаралық (облысішілік қалааралық) автомобиль тасымалдарының маршруттары мен қозғалыс кестелерін бекіту жөніндегі жұмысты ұйымдастыру;
6. жолаушылар мен багажды тұрақты қалааралық облысаралық автомобиль тасымалдарының маршруттары мен қозғалыс кестелерін келісу;
7. автовокзалдар мен автостанциялар тізілімін жүргізу;
8. ауданаралық (облысішілік қалааралық) автомобиль қатынасында әлеуметтік маңызы бар жолаушылар тасымалын жүзеге асыру кезінде тасымалдаушылардың залалдарын субсидиялауды жүзеге асыру;
9. ауданаралық (облысішілік қалааралық) және қала маңындағы қатынастарда жолаушыларды теміржол көлігімен тасымалдауды ұйымдастыру;
10. әлеуметтік маңызы бар ауданаралық (облысішілік қалааралық) және қала маңындағы қатынастар бойынша жолаушылар тасымалын жүзеге асыруға байланысты тасымалдаушының шығыстарын ұзақ мерзімді субсидиялау;
11. автовокзалдардың, автостанциялардың және жолаушыларға қызмет көрсету пункттерінің қызметін бастау немесе тоқтату туралы хабарламаларды қабылдау;
12. жолаушылар мен багажды тұрақты ауданаралық (облысішілік қалааралық) автомобиль тасымалдау маршруттарының тізілімін жүргізу;
13. халықаралық және республикалық ішкі қатынастарда қауіпті жүктерді тасымалдайтын автокөлік құралдарының жүргізушілерін арнайы даярлау жөніндегі қызметті жүзеге асыруды бастау туралы хабарлама берген жеке және заңды тұлғалардың тізілімін жүргізу;
14. төтенше жағдайлар туындаған кезде тасымалдарды уақытша тоқтату туралы шешімдер қабылдау;
15. ауданаралық (облысішілік қалааралық) және қала маңындағы теміржол қатынастарын айқындау;
16. әуе маршрутының тиімді жұмыс істеуі үшін кіріс деңгейін қамтамасыз етпейтін тұрақты ішкі (облысішілік) әуе маршруттары бойынша субсидиялауды жүзеге асыру;
17. Қазақстан Республикасының заңнамасына сәйкес жол қызметін қаржыландыруға бағытталатын қаражатты пайдалану тәртібін айқындау және олардың нысаналы пайдаланылуын қамтамасыз ету;
18. Қазақстан Республикасының мемлекеттік сатып алу туралы заңнамасына сәйкес жалпы пайдаланымдағы облыстық маңызы бар автомобиль жолдарын салу, реконструкциялау, жөндеу және күтіп-ұстау жұмыстарын ұйымдастыру;
19. жалпы пайдаланымдағы облыстық маңызы бар автомобиль жолдары желісін басқару;
20. облыстық маңызы бар автомобиль жолдарын салу, реконструкциялау, жөндеу және күтіп-ұстау жұмыстарын жүргізу кезінде мемлекеттік бақылауды жүзеге асыру;
21. теміржол, автомобиль көлігі және автомобиль жолдарындағы заңнама талаптарын орындау мәселелері бойынша аудандық және қалалық аумақтық органдардың қызметін үйлестіру;
22. Қазақстан Республикасының рұқсаттар және хабарламалар туралы заңнамасына сәйкес көлік саласында лицензиялауды жүзеге асыру;
23. механикалық көлік құралдары мен олардың тіркемелерін міндетті техникалық қарап-тексеруді өткізу кестелерін келісу;
24. жетекшілік ететін салада цифрлық технологияларды дамыту;
25. мемлекеттік орган қызметкерлерінің цифрлық сауаттылығын арттыру үшін жағдай жасау;
26. Қарағанды облысы бойынша жетекшілік ететін салаларға қатысты жиынтық ашық деректерді ашық деректер интернет-порталында орналастыруды және олардың өзектендірілуін қамтамасыз ету;
27. мемлекеттік-жекешелік әріптестік жобалары бойынша конкурс немесе тікелей келіссөздер ұйымдастырушысы ретінде әрекет ету;
28. мемлекеттік-жекешелік әріптестіктің жергілікті жобалары бойынша мемлекеттік-жекешелік әріптестік шарттарын жасасу;
29. мемлекеттік орган қызметінде жобалық басқаруды жүзеге асыру;
30. қоғамдық көліктің қозғалысын диспетчерлік басқаруды жүзеге асыру;
31. Қазақстан Республикасының заңнамасына сәйкес өзге де функцияларды жүзеге асыру.

Дискрециялық өкілеттіктер мынадай ерекшеліктерге ие:

1. лауазымды тұлғаға және/немесе мемлекеттік органға заңды фактіні өз қалауы бойынша бағалауға мүмкіндік береді;
2. лауазымды тұлғаға және/немесе мемлекеттік органға өз қалауы бойынша ықпал ету шарасын таңдауға және актілер шығаруға мүмкіндік береді;
3. лауазымды тұлғаға және/немесе мемлекеттік органға жеке және заңды тұлғалардың қызметін немесе іс-әрекеттерін жүзеге асыру тәртібін дербес айқындау құқығын береді;
4. лауазымды тұлғаға және/немесе мемлекеттік органға нормативтік құқықтық актіні орындау тәсілін өз қалауы бойынша айқындауға мүмкіндік береді;
5. шешім қабылдауға бірнеше лауазымды тұлғаның және/немесе мемлекеттік органның қатысу мүмкіндігін береді (параллель өкілеттіктер);
6. лауазымды тұлғаға және/немесе мемлекеттік органға шешім қабылдау шарттары нақты айқындалмаған кезде екі немесе одан да көп шешім нұсқаларының (оң немесе теріс) арасынан таңдау жасау құқығын береді.

«Қарағанды облысының жолаушылар көлігі және автомобиль жолдары басқармасы» ММ қызметіне қатысты ішкі құжаттардан көрсетілген ерекшеліктер анықталған жоқ.

Талданған құқықтық актілердің/ішкі құжаттардың тізбесі осы талдаудың 1-қосымшасында көрсетілген.

1. Ұйымдастырушылық-басқарушылық қызмет

II.1. Персоналды басқаруға байланысты сыбайлас жемқорлық тәуекелдерін анықтау

Персоналды басқаруға байланысты анықталған тәуекелдер саны – 2 (бірлік).

Басқармада штаттық құрылым әзірленіп, бекітілген. Белгіленген штат саны лимиттерінің сақталуына бақылау қамтамасыз етілген.

Басқарманың 2025 жылғы әкімшілік мемлекеттік қызметшілерінің штат саны – 15 бірлік.

Басқарманың 2026 жылғы әкімшілік мемлекеттік қызметшілерінің штат саны – 15 бірлік. 2026 жылғы маусым айынан бастап 1 бос лауазым бар.

Басқарма кадрларының кәсіби дамуын қамтамасыз ету мақсатында әкімшілік мемлекеттік қызметшілер Қазақстан Республикасы Президенті жанындағы Мемлекеттік басқару академиясының Қарағанды облысы бойынша филиалына оқуға жіберіледі.

Басқармада корпоративтік мәдениетті қалыптастыру және қолайлы әлеуметтік-психологиялық еңбек ахуалын дамыту, мемлекеттік органда еңбек, сыбайлас жемқорлыққа қарсы іс-қимыл және мемлекеттік қызмет туралы заңнаманың орындалуын қамтамасыз ету, еңбек режимі мен жағдайларының сақталуын, сондай-ақ мемлекеттік қызметте болуға байланысты шектеулердің сақталуын қамтамасыз ету бойынша жұмыс тұрақты негізде жүргізіледі.

Кадрлық іс жүргізу персоналды басқарудың «Е-қызмет» ақпараттық жүйесі және СУП (персоналды басқару қызметі) арқылы жүргізіледі.

Бос лауазымдарға орналасу бойынша конкурстық рәсімдерді Қарағанды облысы әкімінің аппаратындағы персоналды басқарудың бірыңғай қызметі жүзеге асырады.

Сыбайлас жемқорлық тәуекелдеріне бейім лауазымдарды айқындау кезінде комиссия Басқарманың лауазымдық нұсқаулықтарындағы құқықтық олқылықтарды, құқықтық актілердегі екіұшты тұжырымдарды, Басқарма қызметінің жеткіліксіз ашықтығын және мемлекеттік қызметтерді алушылармен, сондай-ақ басқа да жеке және заңды тұлғалармен тікелей байланысты басшылыққа алды.

Басқарма қызметкерлері сыбайлас жемқорлық құқық бұзушылықтар жасағаны үшін жауапкершілікке тартылған жоқ.

Қазіргі уақытта Басқармада жолаушылар көлігі және тасымалдар бөлімінің бас маманы лауазымы бойынша бос орын бар.

Талдау барысында жұмыс тобы сыбайлас жемқорлық тәуекелдеріне бейім лауазымдарды анықтады, олар осы анықтаманың 2-қосымшасына сәйкес көрсетілген.

II.2. Мүдделер қақтығысына байланысты сыбайлас жемқорлық тәуекелдерін анықтау

Мүдделер қақтығысына байланысты анықталған тәуекелдер саны – 0 (бірлік).

Сыбайлас жемқорлық тәуекелдерін мемлекеттік сатып алулар (тауарлар мен көрсетілетін қызметтерді жеткізушілер) бөлігінде жүргізу кезінде үлестестік фактілері анықталған жоқ.

Басқарма қызметшілері мен қызметкерлерінің жеке істерін зерделеу барысында жақын туыстардың, ерлі-зайыптылардың және жекжаттардың бірлесіп жұмыс істеу фактілері анықталған жоқ.

II.3. Мемлекеттік қызметтер көрсетуге байланысты сыбайлас жемқорлық тәуекелдерін анықтау

Мемлекеттік қызметтер көрсетуге байланысты анықталған тәуекелдер саны – 0 (бірлік).

«Қарағанды облысының жолаушылар көлігі және автомобиль жолдары басқармасы» ММ (бұдан әрі – Басқарма) Қазақстан Республикасы Цифрлық даму, инновациялар және аэроғарыш өнеркәсібі министрінің міндетін атқарушының 2020 жылғы 31 қаңтардағы №39/НҚ бұйрығымен бекітілген Мемлекеттік көрсетілетін қызметтер тізіліміне сәйкес 4 мемлекеттік қызмет түрін көрсетеді:

1. «Облыстық және аудандық маңызы бар жалпыға ортақ пайдаланылатын автомобиль жолдарының бөлінген белдеуінде, сондай-ақ елді мекендерде сыртқы (көрнекі) жарнаманы орналастыруға рұқсат беру»;
2. «Өздігінен жүретін шағын көлемді кемелерді басқару құқығына куәлік беру»;
3. «Қалааралық облысаралық, ауданаралық (облысішілік қалааралық) және халықаралық қатынастарда автобустармен, шағын автобустармен тұрақты емес жолаушылар тасымалдау жөніндегі қызметпен айналысу құқығына, сондай-ақ халықаралық қатынастарда автобустармен, шағын автобустармен тұрақты жолаушылар тасымалдау жөніндегі қызметпен айналысу құқығына лицензия беру»;
4. «Жолаушыларды ауданаралық (облысішілік қалааралық), ауданішілік, қалалық (селолық) және қала маңындағы қатынастарда әлеуметтік маңызы бар тасымалдауды жүзеге асыруға байланысты тасымалдаушының залалдарын субсидиялау».

Көрсетілген мемлекеттік қызмет түрлеріне регламенттер бекітілген.

Мемлекеттік қызметтер «Е-лицензиялау» МДҚ ақпараттық жүйесі, сондай-ақ электрондық үкімет порталы арқылы көрсетіледі.

Мемлекеттік қызметтерді көрсету тәртібі туралы ақпараттың қолжетімділігін қамтамасыз ету мақсатында Басқарманың ресми интернет-ресурсында мемлекеттік қызметтер стандарттары, заңдар мен біліктілік талаптары, сондай-ақ мемлекеттік қызметтер көрсету мәселелері бойынша Басқарма қызметі туралы есеп орналастырылған. Тиісті бөлімдегі ақпаратты өзектендіру жұмыстары тұрақты негізде жүргізіледі. Мемлекеттік қызметтерді көрсету процестерін автоматтандыруға және оларды электрондық түрде көрсету сапасын арттыруға басымдық беріледі.

2025 жылы Басқарма тарапынан 445 мемлекеттік қызмет көрсетілді, оның ішінде:

• қағаз түрінде – 28 (куәлік беру – 28);
• электрондық түрде – 417 (субсидиялау – 401, лицензия беру – 16, сыртқы (көрнекі) жарнаманы орналастыруға рұқсат беру – 0, куәлік беру – 0).

2025 жылы көрсетілген мемлекеттік қызметтер бойынша шағымдар мен наразылықтар болған жоқ.

2026 жылдың 1-тоқсанында Басқарма тарапынан 115 мемлекеттік қызмет көрсетілді, оның ішінде:

• ХҚКО арқылы қағаз түрінде – 4 (куәлік беру);
• «Е-лицензиялау» МДҚ және «электрондық үкімет» веб-порталы арқылы электрондық түрде – 111 (субсидиялау – 98, куәлік беру – 0, лицензия беру – 13).

Сондай-ақ ағымдағы жылдың ақпан айында «Қалааралық облысаралық, ауданаралық (облысішілік қалааралық) және халықаралық қатынастарда автобустармен, шағын автобустармен тұрақты емес жолаушылар тасымалдау жөніндегі қызметпен айналысу құқығына, сондай-ақ халықаралық қатынастарда автобустармен, шағын автобустармен тұрақты жолаушылар тасымалдау жөніндегі қызметпен айналысу құқығына лицензия беру» мемлекеттік қызметін көрсету кезінде бас тарту мерзімін бұзу фактісі орын алды. Осыған байланысты аталған бұзушылыққа жол берген «Қарағанды облысының жолаушылар көлігі және автомобиль жолдары басқармасы» ММ бас маманы Жақыпбай И.М. әкімшілік жауапкершілікке тартылды.

2026 жылдың 2-тоқсанында Басқарма тарапынан 117 мемлекеттік қызмет көрсетілді, оның ішінде:

• ХҚКО арқылы қағаз түрінде – 12 (куәлік беру);
• «Е-лицензиялау» МДҚ және «электрондық үкімет» веб-порталы арқылы электрондық түрде – 105 (субсидиялау – 105, куәлік беру – 0, лицензия беру – 0).

Көрсетілген мемлекеттік қызметтер бойынша шағымдар мен наразылықтар болған жоқ.

II.4. Рұқсат беру функцияларын іске асыруға байланысты сыбайлас жемқорлық тәуекелдерін анықтау

Басқарма мынадай рұқсат беру функцияларын жүзеге асырады:

1. «Облыстық және аудандық маңызы бар жалпыға ортақ пайдаланылатын автомобиль жолдарының бөлінген белдеуінде, сондай-ақ елді мекендерде сыртқы (көрнекі) жарнаманы орналастыруға рұқсат беру»;
2. «Өздігінен жүретін шағын көлемді кемелерді басқару құқығына куәлік беру»;
3. «Қалааралық облысаралық, ауданаралық (облысішілік қалааралық) және халықаралық қатынастарда автобустармен, шағын автобустармен тұрақты емес жолаушылар тасымалдау жөніндегі қызметпен айналысу құқығына, сондай-ақ халықаралық қатынастарда автобустармен, шағын автобустармен тұрақты жолаушылар тасымалдау жөніндегі қызметпен айналысу құқығына лицензия беру».

Сыбайлас жемқорлық тәуекелдері анықталған жоқ.

II.5. Бақылау-тексеру функцияларын іске асыруға байланысты сыбайлас жемқорлық тәуекелдерін анықтау

Басқарма бақылау-тексеру функцияларын жүзеге асырмайды, осыған байланысты сыбайлас жемқорлық тәуекелдері анықталған жоқ.

II.6. Бюджеттік және қаржылық қаражаттарды игеруге және бөлуге байланысты сыбайлас жемқорлық тәуекелдерін анықтау

268 коды бойынша бюджеттік бағдарламалар әкімшісі болып табылатын «Қарағанды облысының жолаушылар көлігі және автомобиль жолдары басқармасы» ММ бойынша 2025 жылға арналған қаржыландыру жоспары 43 169 658 мың теңгені құрады, бюджетті игеру 42 670 261 мың теңгені, пайыздық қатынаста 98,8% құрады, оның ішінде бағдарламалар бойынша:

• 001 «Көлік және коммуникациялар саласында жергілікті деңгейде мемлекеттік саясатты іске асыру жөніндегі қызметтер» – 389 018 мың теңге. Игеру 388 816 мың теңгені немесе 99,9%-ды құрады.
• 002 «Көлік инфрақұрылымын дамыту» – 4 127 829 мың теңге. Игеру 3 690 893 мың теңгені немесе 89,4%-ды құрады.
• 003 «Автомобиль жолдарының жұмыс істеуін қамтамасыз ету» – 2 843 979 мың теңге. Игеру 2 843 979 мың теңгені немесе 100%-ды құрады.
• 005 «Әлеуметтік маңызы бар ауданаралық қалааралық қатынастар бойынша жолаушылар тасымалын субсидиялау» – 8 959 654 мың теңге. Игеру 8 959 654 мың теңгені немесе 100%-ды құрады.
• 011 «Мемлекеттік органның күрделі шығыстары» – 705 599 мың теңге. Игеру 673 156 мың теңгені немесе 95,4%-ды құрады.
• 028 «Көлік инфрақұрылымының басым жобаларын іске асыру» – 9 071 271 мың теңге. Игеру 9 047 754 мың теңгені немесе 99,7%-ды құрады.
• 031 «Коммуналдық меншіктегі әуежайларды субсидиялау» – 200 033 мың теңге. Игеру 200 033 мың теңгені немесе 100%-ды құрады.
• 040 «Арнайы экономикалық аймақтардың, индустриялық аймақтардың, индустриялық парктердің инфрақұрылымын дамыту» – 100 000 мың теңге. Игеру 100 000 мың теңгені немесе 100%-ды құрады.
• 051 «Әуе көлігі инфрақұрылымын дамыту» – 2 290 978 мың теңге. Игеру 2 284 678 мың теңгені немесе 99,7%-ды құрады.
• 113 «Төмен тұрған бюджеттерге ағымдағы нысаналы трансферттер» – 14 166 361 мың теңге. Игеру 14 166 361 мың теңгені немесе 100%-ды құрады.
• 114 «Төмен тұрған бюджеттерге даму нысаналы трансферттері» – 314 936 мың теңге. Игеру 314 936 мың теңгені немесе 100%-ды құрады.

2026 жылдың 7 айында бюджеттен 31 069 995 мың теңге бөлінді, оның ішінде 15 647 287 мың теңге немесе 50% игерілді.

Сыбайлас жемқорлық тәуекелдері анықталған жоқ.

II.7. Жеке және заңды тұлғалармен шарттар жасасуға байланысты сыбайлас жемқорлық тәуекелдерін анықтау

2025 жылы мемлекеттік сатып алулар бойынша барлығы 63 шарт жасалды, оның ішінде:

• ашық конкурс тәсілімен – 24;
• бір көзден алу тәсілімен – 26, оның ішінде:
  1. 39-баптың 3-тармағының 48) тармақшасы бойынша – күрделі құрылыс объектілерінің жобалау құжаттамасын әзірлеуге авторлық қадағалау, құрылысқа, реконструкциялауға және күрделі жөндеуге авторлық қадағалау қызметтерін тиісті авторлардан сатып алу – 14;
  2. 39-баптың 3-тармағының 1) тармақшасы бойынша – табиғи монополиялар салаларына жататын қызметтерді, сондай-ақ энергиямен жабдықтау қызметтерін немесе электр энергиясын электр энергиясының кепілдік беруші жеткізушісінен сатып алу – 6;
  3. 39-баптың 3-тармағының 36) тармақшасы бойынша – Қазақстан Республикасының заңдарында айқындалған тұлғадан тауарларды, жұмыстарды, көрсетілетін қызметтерді сатып алу – 13 (жер учаскесіне сәйкестендіру құжатын дайындау, облыстық маңызы бар автомобиль жолдарын салу, реконструкциялау, жөндеу және күтіп-ұстау кезінде жұмыстар мен материалдардың сапасына сараптама жүргізу, кешенді ведомстводан тыс сараптама жүргізу);
• баға ұсыныстарын сұрату тәсілімен – 7;
• рейтингтік-балдық жүйені пайдалана отырып конкурс тәсілімен – 6;
• алдын ала біліктілік іріктеуі бар конкурс – 0;
• шеңберлік келісім бойынша конкурстың екінші кезеңі – 0.

2026 жылдың 1-жартыжылдығында мемлекеттік сатып алулар бойынша барлығы 90 шарт жасалды, оның ішінде:

• ашық конкурс тәсілімен – 36;
• бір көзден алу тәсілімен – 34, оның ішінде:
  1. 39-баптың 3-тармағының 48) тармақшасы бойынша – күрделі құрылыс объектілерінің жобалау құжаттамасын әзірлеуге авторлық қадағалау, құрылысқа, реконструкциялауға және күрделі жөндеуге авторлық қадағалау қызметтерін тиісті авторлардан сатып алу – 12;
  2. 39-баптың 3-тармағының 1) тармақшасы бойынша – табиғи монополиялар салаларына жататын қызметтерді, сондай-ақ энергиямен жабдықтау қызметтерін немесе электр энергиясын электр энергиясының кепілдік беруші жеткізушісінен сатып алу – 8;
  3. 39-баптың 3-тармағының 36) тармақшасы бойынша – Қазақстан Республикасының заңдарында айқындалған тұлғадан тауарларды, жұмыстарды, көрсетілетін қызметтерді сатып алу – 6 (облыстық маңызы бар автомобиль жолдарын салу, реконструкциялау, жөндеу және күтіп-ұстау кезінде жұмыстар мен материалдардың сапасына сараптама жүргізу қызметтері, кешенді ведомстводан тыс сараптама жүргізу);
  4. 39-баптың 3-тармағының 3) тармақшасы бойынша – зияткерлік меншік объектілері болып табылатын тауарларды, көрсетілетін қызметтерді олар бойынша айрықша құқықтары бар тұлғадан, сондай-ақ жоба алдындағы немесе жобалау-сметалық құжаттаманы түзету жөніндегі жұмыстарды осы жоба алдындағы немесе жобалау-сметалық құжаттаманы әзірлеген тұлғадан сатып алу – 8;
• баға ұсыныстарын сұрату тәсілімен – 11;
• рейтингтік-балдық жүйені пайдалана отырып конкурс тәсілімен – 9;
• алдын ала біліктілік іріктеуі бар конкурс – 1;
• шеңберлік келісім бойынша конкурстың екінші кезеңі – 1.

Сыбайлас жемқорлық тәуекелдері анықталған жоқ.

II.8. Ақпараттық жүйелерді әзірлеуге және пайдалануға байланысты сыбайлас жемқорлық тәуекелдерін анықтау

Басқарма ақпараттық жүйелерді әзірлеуді жүзеге асырмайды.

Басқарма қызметкерлері мынадай ақпараттық жүйелерде қызметін жүзеге асырады:

eGov, eOtinish, «Е-қызмет», Сот кабинеті, eLicense, ИПГО, e-Minfin, e-Akimat, Қазынашылық-Клиент, Enbek.kz, «АВС сметалық есептеу» ақпараттық жүйесі.

Сыбайлас жемқорлық тәуекелдері анықталған жоқ.

II.9. Ұйымдастырушылық-басқарушылық қызметтен туындайтын өзге де мәселелерге байланысты сыбайлас жемқорлық тәуекелдерін анықтау

Құқықтық актілерде анықталған тәуекелдер саны – 0 (бірлік).

Сыбайлас жемқорлық құқық бұзушылықтардың жасалуына ықпал ететін нормалар анықталған жоқ.

ҚОРЫТЫНДЫ БӨЛІМ

Басқарма қызметіндегі сыбайлас жемқорлық тәуекелдеріне ішкі талдау нәтижелері бойынша:

1. Әкімшілік жұмыс жөніндегі бас маман Кантаева А.Б.-ға 2026 жылғы 31 желтоқсанға дейін жолаушылар көлігі және тасымалдар бөлімінің бас маманы бос лауазымына орналасу үшін конкурс жариялау ұсынылсын.
2. Басқарма басшысына сыбайлас жемқорлық тәуекелдеріне ішкі талдау нәтижелері бойынша анықталған сыбайлас жемқорлық құқық бұзушылықтарды жасауға ықпал ететін себептер мен жағдайларды жою жөніндегі іс-шаралар жоспарының жобасын осы талдаудың 3-қосымшасына сәйкес бекітуге ұсыну.

Басқарма басшысының
орынбасары Мукушев М. М.

Автомобиль жолдары
және жол инфрақұрылымын
дамыту бөлімінің басшысы Қуанышев А.Б.

Жолаушылар көлігі
және тасымалдар бөлімінің басшысы Мақышов Қ.С.

Әкімшілік жұмыс
жөніндегі бас маман Кантаева А.Б.

Заңгер Конакбаев М.Ж.

Таныстым: Кожанов Максут Жолдыбаевич
(мемлекеттік органның басшысы)

1-қосымша

Талданған құқықтық актілердің/ішкі құжаттардың тізбесі

1. Басқарма туралы ереже.
2. Басқарма бөлімдері туралы ережелер.
3. Басқарманың лауазымдық нұсқаулықтары.
4. Негізгі қызмет бойынша басшының бұйрықтары.
5. Жеке құрам бойынша басшының бұйрықтары.
6. Қаржы-шаруашылық қызмет бойынша құжаттар.

2-қосымша

Сыбайлас жемқорлық тәуекелдеріне ішкі талдау нәтижелері бойынша анықталған сыбайлас жемқорлық тәуекелдеріне бейім лауазымдар тізбесі

Сыбайлас жемқорлық тәуекелдеріне ішкі талдау объектісінің атауы:
«Қарағанды облысының жолаушылар көлігі және автомобиль жолдары басқармасы» ММ

3-қосымша

Жоба

Сыбайлас жемқорлық тәуекелдеріне ішкі талдау нәтижелері бойынша анықталған сыбайлас жемқорлық тәуекелдерін жою жөніндегі іс-шаралар жоспары