2026-2027оқу жылына арналған жоғары және жоғары оқу орнынан кейінгі білімі бар кадрларды даярлауға мемлекеттік білім беру тапсырысын орналастыруғаконкурс
Ұлытау облысының әкімдігі Қазақстан Республикасы Білім және ғылым министрлігінің 2016 жылғы 29 қаңтардағы №122 «Еңбек нарығының қажеттіліктерін ескере отырып, жоғары және жоғары оқу орнынан кейінгі білімі бар кадрларды даярлауғажоғары және (немесе) жоғары оқу орнынан кейінгі білім беру ұйымдарының дайындық бөлімшелеріне мемлекеттік білім беру тапсырысын орналастыру қағидаларын бекіту туралы» бұйрығына
(әрі қарай - Қағидалар) сәйкес, 2026-2027 оқу жылына жоғары және жоғары оқу орнынан кейінгі білімі бар кадрларды даярлауға мемлекеттік білім беру тапсырысын орналастыру туралы конкурс жариялайды.
Мемлекеттік білім беру тапсырысын орналастыру конкурсына қатысу үшін жоғары оқу орны (бұдан әрі - ЖОО) Қағидалардың 1-қосымшасына сәйкес құжаттарды қамтитын конкурстық өтінім беруі қажет.
Конкурстық өтінімге кіретін құжаттар нөмірленуі, ЖОО-ның бірінші басшысының қолы қойылуы, мөрмен расталуы және конкурсты ұйымдастырушының [email protected] ресми электрондық мекенжайына электрондық форматта а.ж. 4 тамыздан бастап (сағ. 09-00-ден) 14 тамызға дейін (сағ.18-30-ға) ұсынылуы тиіс. Өтінімді қабылдауды:
8 (7102) 600 387 (ішкі 7601)телефон нөмірлері бойынша растау қажет.
Конкурстық өтінім конкурс өткізу туралы хабарландыруда көрсетілген сағаттан және күннен кешіктірілмей жіберіледі. Конкурстық өтінімді беру мерзімі өткен соң түскен конкурстық өтінім кешіктірілу себептеріне қарамастан қаралмайды. Оларды беру мерзімі өткеннен кейін конкурстық өтінімге қандай да бір өзгерістер енгізуге жол берілмейді.