Алтынсарин ауданының 2025 жылғы бюджетінің атқарылуы туралы жылдық есепті бекіту туралы
Аудандық бюджетті атқару жөніндегі уәкілетті орган – «Алтынсарин ауданы әкімдігінің экономика және қаржы бөлімі» мемлекеттік мекемесінің (ММ) есебін және «Қостанай облысы бойынша тексеру комиссиясы» ММ мүшесі Ш.Ж. Қосабаевтың «Алтынсарин ауданының 2025 жылғы бюджетінің атқарылуы туралы есепке қорытынды» есеп - қорытындысын қарап, Алтынсарин аудандық мәслихаты 2025 жылғы аудандық бюджеттің атқарылуы бойынша ауданның атқарушы органдарымен тиісті жұмыстар атқарылғанын атап өтеді.
Алтынсарин ауданының 2025 жылғы бюджеті өз кірістері бойынша 106,2 пайызға орындалып, нақтыланған жоспар 1 миллиард 595 миллион 150 мың теңге, нақты түсімдер 1 миллиард 693 миллион 697,9 мың теңгені құрады. Жалпы бюджет ресми трансферттерді есепке алғанда 4 миллиард 876 миллион 608,1 мың теңгені құрап, жоспарға қосымша 98,5 миллион теңге түсті. Жыл басындағы қаражаттың бос қалдығы – 174959,2 мың теңге сомасында қалыптасты.
2025 жылы 5 аудандық бюджетті нақтылау және 19 түзету енгізілді.
2025 жылды аудан бюджетіне – 4876608,1 мың теңге кіріс түсті:
салықтар мен алымдар – 1693697,9 мың теңге;
трансферттер – 3182910,2 мың теңге;
кредиттер түсімі – 121994 мың теңге;
берешекті өтеу – 56 447,1 мың теңге.
Жыл аяғындағы қаражаттың бос қалдығы 114 009,1 мың теңге сомасында қалыптасты.
Шығыстар жоспары 100 пайызға орындалып, жоспар 4531151,5 мың теңге, кассалық орындалуы 4531087,0 мың теңгені құрады.
2025 жылға жалпы сипаттағы мемлекеттік қызметтерге бюджет шығыстарының жалпы көлемінде жалақыны, жұмыс берушілердің жарналарын
төлеуге шығыстар жасалды, аудандық бюджеттен – 1 617,3 миллион теңге немесе 29,4 пайыз қаражат бөлінді, мәдениет және спортқа 8,7 пайыз, халықты әлеуметтік қорғауға – 196,7 миллион теңге немесе 4 пайыз, автомобиль жолдарын пайдалануға – 928,9 миллион теңге немесе 16,9 пайыз, тұрғын үй-коммуналдық шаруашылыққа – 1576,9 миллион теңге немесе 29 пайыз, бюджеттік кредиттер 121 миллион 994 мың теңге, 612,7 мың теңгеге толық пайдаланылмаған аударымдарды қайтару жүргізілді.
Алтынсарин аудандық мәслихаты ШЕШІМ ҚАБЫЛДАДЫ:
- Қоса беріліп отырған Алтынсарин ауданының 2025 жылғы аудандық бюджетінің атқарылуы туралы есеп бекітілсін.
- Бюджеттік бағдарламалардың әкімшілеріне ұсынылсын:
1) Қостанай облысы бойынша тексеру комиссиясы жүргізген бақылау іс-шаралары кезінде анықталған бұзушылықтарды жою бойынша шаралар қабылдау;
2) бюджетті нақтылау және түзету кезінде Қазақстан Республикасы заңнамасының нормаларын қатаң сақтау;
3) Қазақстан Республикасы заңнамасының қолданыстағы нормаларын бұза отырып пайдаланылуына жол бермеу және алдағы кезеңдерге артық жоспарлауды болдырмау үшін бюджет қаражатының пайдаланылуын тұрақты бақылау;
4) дебиторлық және кредиторлық берешекті өтеу және алдын алу бойынша жұмысты күшейту.
- «Алтынсарин ауданы әкімдігінің экономика және қаржы бөлімі» ММ:
1) бюджеттi қалыптастыру кезiнде есептiлiктер мен өзге де ақпараттардың негiзгi және дұрыс көрсетiлуi үшiн бюджеттiк бағдарламалар әкiмшiлерiне бақылауды күшейту;
2) Алтынсарин ауданының бюджетін атқару кезінде Қостанай облысы бойынша тексеру комиссиясының ұсынымдары ескерілсін.
- Осы шешім қабылданған күннен бастап қолданысқа енеді.
Алтынсарин аудандық
мәслихатының төрағасы С. Мусапирова
КЕЛІСІЛДІ
«Алтынсарин ауданы әкімдігінің
экономика және қаржы бөлімі»
мемлекеттік мекемесінің (ММ)
басшысы
____________ Е. Павлюк
2026 жылғы 14 мамыр
«Алтынсарин аудандық мәслихатының аппараты» ММ бас маманы _____________ Қ. Жылқышенов |
«Алтынсарин аудандық мәслихатының аппараты» ММ бас маманы _____________ А. Құлмағанбетова |