Азаматтық қорғау органдары (бұдан әрі – АҚО) қызметіне қатардағы, кіші және орта басшы құрамы лауазымдарына кандидаттардың қабылдануы АҚА ОО алғашқы кәсіптік даярлықтан өткен соң ғана жүзеге асырылады.
Қатардағы, кіші және орта басшы құрамы лауазымдарына орналасуға қойылатын талаптар «Құқық қорғау қызметі туралы» Қазақстан Республикасының Заңымен (бұдан әрі –Заң), «Азаматтық қорғау органдарында кадрлық жоспарлауды ескере отырып, кадрларға қажеттілікті қанағаттандыру үшін мамандықтар тізбесін бекіту туралы» Қазақстан Республикасы Төтенше жағдайлар министрінің 2021 жылғы 18 мамырдағы № 216 бұйрығымен (нормативтік-құқықтық актілерді мемлекеттік тіркеу тізілімінде № 22811 болып тіркелді) және «Қазақстан Республикасы Төтенше жағдайлар министрлігі лауазымдарының санаттарына қойылатын біліктілік талаптарын бекіту туралы» Қазақстан Республикасы Төтенше жағдайлар министрінің 2021 жылғы
15 наурыздағы № 128 бұйрығымен (бұдан әрі – біліктілік талаптар) айқындалады.
Алғашқы кәсіби даярлыққа іріктеуге қатысу бойынша шығындарды (іріктеу жүргізу орнына бару және кері қайту жол ақысы, медициналық комиссиядан өту, тұрғылықты орынды жалға алу, тұру) кандидат өз қаражаты есебінен жүргізеді.