ХАБАРЛАНДЫРУ
«Үздік білім беру ұйымы - 2026» Павлодар облысы әкімініңгрантын беру конкурсын өткізу туралы
Құрметті әріптестер!
«Үздік білім беру ұйымы-2026» конкурсын өткізу жоспарына сәйкес, бұл сайысқа балабақшалар, мектептер, колледждер және қосымша білім беру мекемелері қатыса алатынын хабарлаймыз.
Конкурстың мақсаты - тиімді педагогикалық және басқарушылық тәжірибені анықтау, жинақтау және тарату, білім беру ұйымдарының педагогтері мен басшыларының кәсіби және тұлғалық өсуін ынталандыру, сондай-ақ білім беру жүйесінің даму тенденцияларын анықтау.
Өтінімдерді қабылдау: 2026 жылғы 17 шілде мен 22 шілде аралығында.
Бағалау және қорытынды жасау: 2026 жылғы 24 шілде.
Конкурсқа қатысу үшін білім беру ұйымдары құжаттарын конкурс комиссиясының [email protected]электрондық поштасына және Білім беру басқармасына мына мекенжай бойынша тапсырады: Павлодар қ., Қайырбаев көшесі, 32. (Құжаттарды тапсыру бөлмелері:қосымша білім беру ұйымдары — 428-кабинет; мектепке дейінгі және орта білім беру ұйымдары — 432-кабинет;техникалық және кәсіптік білім беру ұйымдары — 424-кабинет). Хаттың тақырыбында мынадай белгілер көрсетілуі тиіс: «Үздік мектепке дейінгі ұйым», «Үздік орта білім беру ұйымы», «Үздік қосымша білім беру ұйымы», «Үздік техникалық және кәсіптік білім беру ұйымы» конкурсына құжаттар.
Төмендегі құжаттар қоса беріледі:
1) Конкурсқа қатысуға өтінім;
2) Осы Қағидалардың № 1, № 2, № 3, № 4 қосымшаларында көрсетілген критерийлерге сәйкес тиісті құжаттар.
Барлық сұрақтар бойынша мына телефон нөмірлеріне хабарласуға болады:
- тәрбие жұмысы және қосымша білім беру бөлімі: 32-38-67, 32-31-51
- мектепке дейінгі және жалпы орта білім беру бөлімі: 32-14-91, 32-18-21
- техникалық және кәсіптік білім беру бөлімі: 32-19-40.
Құрметпен, конкурс ұйымдастырушысы — Білім беру басқармасы!