001 «Табиғи және техногендік сипаттағы төтенше жағдайлардың алдын алу және оларды жою, өнеркәсіптік қауіпсіздік, мемлекеттік материалдық резервті қалыптастыру және іске асыру саласындағы мемлекеттік саясатты айқындау және оны іске асыруды ұйымдастыру жөніндегі қызметтер» бюджеттік бағдарламасы бойынша
Барлығы көзделген шығыстар:
2026 жылға – 8 140 357,0 мың теңге.
Бюджеттік бағдарламаның мақсаты:
Табиғи және техногендік сипаттағы төтенше жағдайлардың алдын алу және оларды жою, өрт және өнеркәсіптік қауіпсіздікті қамтамасыз ету, Қазақстан Республикасы азаматтық қорғанысының құрылуы мен жұмыс істеуінің ұйымдастырушылық қағидаттарын іске асыру, мемлекеттік материалдық резервті қалыптастыру, сақтау және пайдалану, авариялық-құтқару қызметтері мен құралымдарының қызметін ұйымдастыру және қамтамасыз ету, сондай-ақ Алматы қаласы Төтенше жағдайлар департаментінің қызметін қамтамасыз ету.
Бюджеттік бағдарламаның сипаттамасы (негіздемесі):
Табиғи және техногендік сипаттағы төтенше жағдайлардың алдын алу және оларды жою, өнеркәсіптік қауіпсіздік, мемлекеттік материалдық резервті қалыптастыру және іске асыру жөніндегі іс-шараларды жүзеге асыру үшін Қазақстан Республикасы Төтенше жағдайлар министрлігінің қызметін қамтамасыз етуге бағытталған шығыстар.
Жоспарланған нысаналы индикаторларға қол жеткізу жолдарының сипаттамасы.
Осы бюджеттік өтінімнің мақсаты – «Алматы қаласының Төтенше жағдайлар департаменті» ММ-нің материалдық-техникалық базасын нығайту және штаттан тыс жұмыскерлерін ұстауды қамтамасыз ету. Болжамды кезеңге арналған бюджеттік өтінім енгізілген өзгерістерді ескере отырып, Қазақстан Республикасы Ұлттық экономика министрлігінің бұйрығына сәйкес экономикалық сыныптама ерекшеліктері бойынша шоттар мен прейскуранттар қоса беріліп, қажеттілік негізінде жасалды.
Бюджеттік бағдарлама 3 бюджеттік кіші бағдарлама бойынша іске асырылады:
100 «Табиғи және техногендік сипаттағы төтенше жағдайлардың алдын алу және оларды жою, өнеркәсіптік қауіпсіздік, мемлекеттік материалдық резервті қалыптастыру және іске асыру жөніндегі қызметтер» бюджеттік кіші бағдарламасы.