Шығыс Қазақстан облысы Алтай ауданы Зубовск кенті әкімінің аппараты

1. Әкім аппаратына басшылықты аудан әкімі аппаратына жүктелген міндеттердің орындалуына 
   және оның функцияларын жүзеге асыруға дербес жауапты болатын Зубовск ауылының әкімі 
   жүзеге асырады.
   
    2. Зубовск ауылы әкімінің өкілеттігі:

1)әкім аппаратының жұмысын ұйымдастырады, оның қызметіне басшылық жасайды;

2)жергілікті қоғамдастық жиналысында немесе жергілікті қоғамдастық жиналысында қабылданған шешімдерді қарайды, олардың орындалуын қамтамасыз етеді;

3)Зубовск ауылы бюджетінің атқарылуы туралы шешім қабылдайды;

4)Қазақстан Республикасының бюджет заңнамасына сәйкес мемлекеттік органдардың өз билігінде қалған тауарларды (жұмыстарды, көрсетілетін қызметтерді) өткізуінен түсетін ақша түсімдерінің және шығыстарының жиынтық жоспарын жасайды және бекітеді;

5)тиісті аумақта жануарлардың жұқпалы аурулары пайда болған жағдайда бас мемлекеттік ветеринариялық-санитариялық инспектордың ұсынуы бойынша карантиндік немесе шектеу іс-шараларын белгілеу туралы шешім қабылдайды;

6)тиісті аумақта жануарлардың жұқпалы ауруларының ошақтарын жою жөніндегі ветеринариялық іс-шаралар кешенін жүргізгеннен кейін бас мемлекеттік ветеринариялық-санитариялық инспектордың ұсынуы бойынша шектеу іс-шараларын немесе карантинді жою туралы шешім қабылдайды;

7)әкімшілік құқық бұзушылық туралы істерді қарайды және «Әкімшілік құқық бұзушылық туралы» Қазақстан Республикасының Кодексінде көзделген әкімшілік құқық бұзушылықтар үшін әкімшілік жазалар қолданады;

8)Қазақстан Республикасының жергілікті мемлекеттік басқару және өзін-өзі басқару туралы заңнамасында көзделген бюджет қаражатын және (немесе) кірістерді үнемдеу есебінен еңбек шарты бойынша қызметкерлерді қабылдайды;

9)Қазақстан Республикасының заңнамасына сәйкес іссапарлар, тәртіптік жауапкершілік, демалыстар беру, материалдық көмек көрсету және көтермелеу мәселелерін шешеді, әкім аппаратының мемлекеттік қызметшілерін жұмыстан босатады;

10)шарттар мен келісімдер жасайды, төлем құжаттарына қол қояды, сенімхаттар береді;

11) мемлекеттік органдарда және өзге де ұйымдарда әкім аппаратының атынан өкілдік етеді;

12)Қазақстан Республикасының заңдарымен және өзге де нормативтік құқықтық актілерімен жүктелген өзге де өкілеттіктерді жүзеге асырады.

Зубовск кенті әкімінің ол болмаған кезеңде оның өкілеттіктерін Қазақстан Республикасының қолданыстағы заңнамасына сәйкес оны алмастыратын тұлға жүзеге асырады.