Техникалық реттеу және нормалау басқармасы

Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті Техникалық реттеу және нормалау басқармасының негзгі функциялары:

- ғылым және ғылыми-техникалық қызмет саласындағы ұсыныстарды әзірлеуге және мемлекеттік саясатты іске асыруға қатысу, сәулет, қала құрылысы және құрылыс қызметінде, тұрғын үй-коммуналдық салаларда ғылыми зерттеулер жүргізу жөніндегі жұмысты үйлестіру;

- мемлекеттік бюджеттен қаржыландырылатын ғылыми, ғылыми-техникалық жобалар мен бағдарламаларды әзірлеуді және өз құзыреті шегінде олардың іске асырылуын жүзеге асыруды ұйымдастыру;

- мемлекеттік бюджеттен қаржыландырылатын сәулет, қала құрылысы және құрылыс қызметінде, тұрғын үй-коммуналдық салада орындалған ғылыми, ғылыми-техникалық жобалар мен бағдарламалар бойынша есептерді бекіту;

- индустриялық-инновациялық қызметті мемлекеттік қолдау саласындағы мемлекеттік саясатты қалыптастыруға және іске асыруға қатысу;

- сәулет, қала құрылысы және құрылыс, тұрғын үй-коммуналдық салаларында мемлекеттік нормативтерді әзірлеуді, бекітуді, қолданысқа енгізуді және жоюды ұйымдастыру;

- техникалық регламенттер мен ұлттық стандарттарды әзірлеу жөніндегі жұмысты ұйымдастыру;

- объектілерді жобалауға арналған арнайы техникалық шарттарды қарау және келісу;

- құзыретіне кіретін мәселелер бойынша техникалық регламенттердің, стандарттардың және өзге де құжаттардың қорларын жүргізу;

- стандарттар мен өзге де құжаттарды әзірлеу жөніндегі жоспарлар мен бағдарламаларды дайындау және іске асыру және оларды халықаралық нормалар мен талаптармен үйлестіру;

- сәулет, қала құрылысы және құрылыс саласындағы нормативтік құқықтық актілер мен нормативтік техникалық құжаттардың тізбесін қалыптастыру және жүргізу;

- Қазақстан Республикасының құрылыс саласын техникалық реттеу жүйесін реформалау жөніндегі жұмысты ұйымдастыру;

- мемлекеттік нормативтерді әзірлеу, келісу, бекіту, тіркеу және қолданысқа енгізу (қолданылуын тоқтата тұру, күшін жою) қағидаларын әзірлеу;

- реттелетін салада цифрлық технологияларды енгізу жөніндегі жұмыстарды ұйымдастыру;

- Қазақстан Республикасының нормативтік құқықтық актілерінде көзделген өз құзыреті шегінде өзге де функцияларды жүзеге асыру.