Қазақстан Республикасы Төтенше жағдайлар министрлігі Түркістан облысының Төтенше жағдайлар департаментінің Өнеркәсіптік қауіпсіздік басқармасы
Жалпы ақпарат
Басқарма қауіпті өндірістік объектілердегі апаттардың, жарылыстардың, төтенше жағдайлардың алдын алу бағытында жұмыс атқарады.
Басқарманың негізгі қызметтері:
- қауіпті өндірістік объектілерге мемлекеттік бақылау және қадағалау жүргізу;
- мемлекеттік қызмет көрсету (Өнеркәсіптік қауіпсіздікті декларациялайтын заңды тұлғалар басшыларымен, сондай-ақ аталған заңды тұлғалардың тұрақты жұмыс істейтін емтихан комиссиялары мүшелерімен емтихан тапсыру;Қауіпті өндірістік объектілерді және қауіпті техникалық құрылғыларды есепке қою және есептен шығару; Қауіпті өндірістік объектіні пайдаланатын ұйымдардың қауіпті өндірістік объектіні салуға, кеңейтуге, реконструкциялауға, жаңғыртуға, консервациялауға және жоюға арналған жобалау құжаттамасын келісу; Жарылыс жұмыстарын жүргізуге рұқсат беру);
- өнеркәсіптік қауіпсіздік талаптарының орындалуын тексеру;
- өндірістік апаттардың алдын алу шараларын ұйымдастыру;
- кәсіпорындардың техникалық қауіпсіздік құжаттарын қарау;
- қауіпті техникалық құрылғылардың қауіпсіз пайдаланылуын бақылау; • өндірістік нысандарда жоспарлы және жоспардан тыс тексерулер өткізу;
- авариялық жағдайлардың себептерін талдау және оларды болдырмау бойынша ұсыныстар әзірлеу.
Өнеркәсіптік қауіпсіздік басқармасы мұнай-газ, тау-кен, химия, атом энергиясын пайдалану, металлургия салаларындағы кәсіпорындармен жұмыс жүргізеді. Сонымен қатар қауіпті өндірістік объектілердегі қызметкерлердің қауіпсіздігін сақтау, өндірістік бақылауды күшейту және техникалық регламенттердің орындалуын қамтамасыз ету бағытында әдістемелік көмек көрсетеді. Басқарманың басты мақсаты — адам өмірі мен денсаулығын қорғау, өндірістік қауіп-қатер деңгейін төмендету және төтенше жағдайлардың алдын алу арқылы өңірдің қауіпсіздігін қамтамасыз ету.