Қазақстан Республикасы Төтенше жағдайлар министрлігі Павлодар облысы Төтенше жағдайлар департаментінің Өнеркәсіптік қауіпсіздік басқармасы

Павлодар облысы Төтенше жағдайлар департаментінің Өнеркәсіптік қауіпсіздік басқармасы аумақтық ТЖД құрылымдық бөлімшесі болып табылады және облыс аумағында өнеркәсіптік қауіпсіздік саласында мемлекеттік бақылау мен қадағалауды жүзеге асырады.

Басқарманың негізгі міндеті — қауіпті өндірістік объектілерді қауіпсіз пайдалануды қамтамасыз ету, авариялар, оқиғалар мен өндірістегі жазатайым жағдайлардың алдын алу, сондай-ақ қызметкерлер мен халықтың өмірі мен денсаулығын қорғау.

Басқарма қауіпті өндірістік объектілерді пайдаланатын ұйымдардың Қазақстан Республикасы өнеркәсіптік қауіпсіздік саласындағы заңнама талаптарын сақтауына бақылау жүргізеді. Өз қызметі барысында Басқарма кәсіпорындарға тексеру жүргізеді, өнеркәсіптік қауіпсіздік жағдайын талдайды, авариялардың алдын алу мәселелерін қарайды және анықталған бұзушылықтарды жою бойынша шаралар қабылдайды.
Басқарма мамандары қауіпті өндірістік объектілердегі жабдықтардың, ғимараттар мен құрылыстардың техникалық жай-күйіне, технологиялық қондырғыларды, қазандық жабдықтарын, газбен жабдықтау жүйелері объектілерін, қысыммен жұмыс істейтін жабдықтарды, жүк көтергіш механизмдерді, өсімдік шикізатын сақтау және өңдеу объектілерін, мұнай-химия және химия өнеркәсібі объектілерін, сондай-ақ тау-кен металлургия кешені кәсіпорындарын пайдалану кезінде өнеркәсіптік қауіпсіздік талаптарының сақталуына мемлекеттік бақылау жүргізеді.

Басқарма қызметінің негізгі бағыттарының бірі — профилактикалық жұмыс. Қызметкерлер түсіндіру іс-шараларын өткізеді, өнеркәсіптік қауіпсіздік деңгейін арттыруға және өндірістік жарақаттанудың алдын алуға бағытталған семинарларға, кеңестер мен оқыту шараларына қатысады. Сондай-ақ өнеркәсіптік қауіпсіздік сараптамаларының уақтылы жүргізілуіне, персоналды аттестаттауға, жабдықтарды техникалық куәландыруға және аварияларды оқшаулау мен жою іс-шараларының орындалуына бақылау жасалады.

Басқарма өнеркәсіптік қауіпсіздікті қамтамасыз ету мәселелері бойынша мемлекеттік органдармен, жергілікті атқарушы органдармен, облыстың кәсіпорындары және ұйымдарымен өзара іс-қимыл жасайды, авариялар мен оқиғалардың себептерін тергеп-тексеруге қатысады, өндірістегі қауіпсіздік шараларын жетілдіру бойынша ұсыныстар әзірлейді.
Басқарманың қызметі Павлодар облысындағы өнеркәсіп кәсіпорындарының тұрақты әрі қауіпсіз жұмысын қамтамасыз етуге, техногендік сипаттағы төтенше жағдайлардың туындау тәуекелдерін төмендетуге және халық пен қоршаған ортаны қорғауға бағытталған