Жобалық жұмыстар басқармасы

Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің Жобалық жұмыстары басқармасы

Функциялары:

1) сәулет, қала құрылысы және құрылыс саласындағы мемлекеттік саясатты іске асыру;

2) мемлекеттік бюджеттен қаржыландырылатын ғылыми, ғылыми-техникалық жобалар мен бағдарламаларды әзірлеуге қатысу және өз құзыреті шегінде олардың іске асырылуын жүзеге асыру;

3) Өз құзыреті шегінде мемлекеттік бюджеттен қаржыландырылатын сәулет, қала құрылысы және құрылыс қызметінде орындалған бағдарламалар бойынша есептерді дайындау және бекіту;

4) Өз құзыреті шегінде жүргізілетін саясатты жетілдіру жолдарын ұсына отырып, қызметтің жалпы бағыттары бойынша ақпаратты жинау және қорыту;

5) құзыреті шеңберінде нормативтік құқықтық актілерді әзірлеу;

6) жобалау саласындағы мемлекеттік бағдарламаларды әзірлеуге және іске асыруға қатысу;

7) жобалық және жобалық-жоспарлау өнімдерінің (көрсетілетін қызметтердің) отандық нарығын дамытуға жәрдемдесу);

8) мемлекеттік органдарға, сәулет, қала құрылысы және құрылыс саласының шаруашылық субъектілеріне жобалау мәселелері бойынша консультациялық-әдістемелік көмек көрсету;

9) жобалау мәселелері бойынша қоғамдық бірлестіктермен және ұйымдармен ынтымақтастық;

10) жобалау алдындағы және жобалау (жобалау-сметалық) құжаттамасын әзірлеу және келісу тәртібін, міндетті құрамы мен мазмұнын әзірлеуге қатысу;

11) ғимараттар мен құрылыстарды жобалаудың техникалық және (немесе) технологиялық жағынан күрделі объектілеріне жатқызу қағидаларын әзірлеуге қатысу;

12) бюджет қаражатынан қаржыландырылатын жобалар бойынша инжинирингтік қызметтер көрсету жөніндегі ұйымдарды тарту тәртібін белгілеу қағидаларын әзірлеуге қатысу;

13) жобалардың сараптамасын (мемлекеттік сараптаманы қоса алғанда) орындайтын жеке және заңды тұлғалардың сараптау комиссияларын құру қағидаларын әзірлеуге қатысу және сараптамаға қатысу үшін мамандарды тарту;

14) жобалау саласындағы құрылыс нормалары мен ережелерін жаңаларын әзірлеу және қолданыстағыларын қайта қарау жөнінде ұсыныстар енгізу;

15) жобалау құжаттамасының сапасына қадағалауды ұйымдастыру мен жүргізуді жүзеге асыру.