Управление гражданской обороны ДЧС ВКО

Басқарманың құзыреті шегінде азаматтық қорғау саласындағы мемлекеттік саясаттың негізгі бағыттарын әзірлеуге қатысу, мемлекеттік азаматтық қорғау жүйесінің жұмыс істеуін және одан әрі дамуын қамтамасыз ету;

Басқарманың құзыреті шегінде азаматтық қорғаныс саласындағы халықаралық ынтымақтастық жөніндегі іс-шараларды іске асыруға қатысу;

облыстық азаматтық қорғау қызметтері туралы ережені әзірлеу;

азаматтық қорғаудың басқару органдары мен күштерін даярлау жөніндегі іс-шаралар жоспарын әзірлеу;

азаматтық қорғаныс жоспарын және азаматтық қорғаныс бойынша басқа да жоспарлау құжаттарын әзірлеу және түзету, олардың жергілікті атқарушы органдар мен ұйымдар тарапынан орындалуын бақылау;

азаматтық қорғаныстың инженерлік-техникалық іс-шараларының көлемі мен мазмұны бойынша ұсыныстар дайындау;

жергілікті атқарушы органдардың, ұйымдардың және азаматтардың орындауы үшін міндетті азаматтық қорғанысты даярлау және жүргізу мәселелері бойынша шешімдер жобаларын дайындау;

Басқарманың құзыреті шегінде азаматтық қорғау саласында жергілікті атқарушы органдардың, ғылыми ұйымдардың және қоғамдық бірлестіктердің қызметін үйлестіруге қатысу;

мемлекеттік органдардың азаматтық қорғанысты басқару пункттерін (қосалқы (қалалық, қала сыртындағы), көмекші және жылжымалы басқару пункттерін) құруы жөнінде Министрлікке ұсыныстар дайындау;

Департаменттің күштері мен құралдарының Қазақстан Республикасының Қарулы Күштерінің оқу-жаттығуларына, Ұлттық экономика министрлігінің әскери-экономикалық оқу-жаттығуларына қатысуын жоспарлау;

белгіленген тәртіппен мемлекеттік органдармен және Шығыс Қазақстан облысы бойынша Ұлттық қауіпсіздік комитеті департаментімен азаматтық қорғаныс мәселелері бойынша өзара іс-қимылды жүзеге асыру;

азаматтық қорғаныс мүддесі үшін азаматтық қорғау құралдарына, техникаға, қорғаныш құралдарына және басқа да материалдық-техникалық құралдарға қажеттілікті айқындау жөнінде ұсыныстар дайындау;

қорғаныс құрылыстары қорының, жеке қорғаныш құралдары қорының және азаматтық қорғаныстың өзге де мүлкінің жинақталуын есепке алуды жүргізу;

азаматтық қорғаныс бойынша топтарға жатқызылған қалаларды, азаматтық қорғаныс санаттарына жатқызылған ұйымдарды, химиялық, радиациялық және биологиялық қауіпті объектілерді, сондай-ақ олардағы ең көп жұмыс істейтін ауысымның санын азаматтық қорғаныстың инженерлік-техникалық іс-шараларын жоспарлау мақсатында есепке алуды жүргізу;

азаматтық қорғаныс саласында халық пен мамандарды оқытуды және білімді насихаттауды ұйымдастыру;

азаматтық қорғаныс және жұмылдыру даярлығы мәселелері бойынша ақпараттық-талдамалық материалдар дайындау;

қалаларды азаматтық қорғаныс топтарына, ұйымдарды азаматтық қорғаныс санаттарына жатқызу жөнінде Министрлікке ұсыныстар дайындау;

облыстық азаматтық қорғау қызметтерімен өзара іс-қимылды ұйымдастыруға қатысу;

Департаменттің жұмылдыру даярлығы жөніндегі іс-шаралар жоспарларын әзірлеу;

Департамент пен оның аумақтық бөлімшелерінің жұмылдыру тапсырмаларын айқындау жөнінде Министрлікке ұсыныстар дайындау;

Департаменттің жұмылдыру жоспарын, Департаментті жұмылдыру кезеңінде өрістету жоспарын және басқа да қажетті жұмылдыру құжаттарын әзірлеу және нақтылау;

жұмылдыру (толықтыру) және жауынгерлік әзірлікке келтіру жоспарын келісу;

жұмылдыру кезеңінде, әскери жағдай енгізілген кезде және соғыс уақытында Департаменттің әскери міндетті қызметкерлерін броньдауды жүзеге асыруға қатысу;

соғыс уақытына арналған Департаменттің, оның құрылымдық және аумақтық бөлімшелерінің, ведомстволық бағынысты ұйымдарының және арнайы құралымдарының құрылымы мен штаттары жобалары бойынша ұсыныстар дайындау;

тіркелген құрам бойынша жасақтау есептерін жүргізу және оларды әскери басқару органдарына ұсыну, Департаментті жұмылдыру (толықтыру) үшін арналған тіркелген құрамды зерделеу;

азаматтық қорғаныс, жауынгерлік және жұмылдыру даярлығы мәселелері бойынша Министрліктің аумақтық бөлімшелері мен ведомстволық бағынысты ұйымдары үшін жиындарды, оқу-жаттығулар мен жаттығуларды дайындау, ұйымдастыру және өткізу;

Департаменттің басқару органдарын, қолданыстағы және жаңадан құрылатын арнайы құралымдарын жұмылдыру (толықтыру) үшін арналған жұмылдыру резерві (ұзақ мерзімді сақтау) қорларының жинақталуын, сақталуын және мақсатқа сай пайдаланылуын бақылауды жүзеге асыру;

Департаменттің құрылымдық және аумақтық бөлімшелерінің жұмылдыру даярлығын қамтамасыз ету жөніндегі іс-шараларды әзірлеу және олардың орындалуын бақылау;

Министрліктің жұмылдыру органының ережесінде айқындалған өкілеттіктер шегінде құпия жұмылдыру іс жүргізуін жүзеге асыру;

облыс аумағында эвакуациялық іс-шараларды ұйымдастыру және өткізу жөнінде ұсыныстар енгізу;

Департамент бөлімшелерін әскери техникамен, қару-жарақпен, әскери және өзге де мүлікпен, радиациялық және химиялық барлау мен бақылау аспаптарымен жарақтандыру нормалары бойынша ұсыныстар енгізу;

Басқарманың құзыреті шегінде бюджеттік өтінімдерді дайындау және тиісті ұсыныстар енгізу.