Ұлытау облысы Жаңарқа ауданы Ералиев ауылдық округі әкімінің аппараты

Ұлытау төрінде «КӨКМАЙСА – ДАЛАНЫҢ ТІРІ ТАРИХЫ» республикалық этномәдени фестивалі өтеді!

Құрметті, Ұлытау облысының тұрғындары мен қонақтары! ⚜️Ұлытау төрінде «КӨКМАЙСА – ДАЛАНЫҢ ТІРІ ТАРИХЫ» республикалық этномәдени фестивалі өтеді! 📍 Ұлытау облысы, Жаңаарқа ауданы, Ералиев ауылы 📅 27 маусым 2026 жыл 🕙 Сағат 10:00 Бағдарламада: ▪️ Этноауылдар мен ұлттық салт-дәстүрлер ▪️ Қымызмұрындық рәсімі ▪️ Ұлттық спорт ойындары ▪️ Қолөнер көрмелері ▪️ 500 бие сауылатын тарихи көрініс ▪️ Танымал өнер жұлдыздарының концерті «Көкмайса» — қазақ даласының рухын сезінетін, дәстүр мен мәдениет тоғысқан ерекше фестиваль! Келіңіздер! Ұлт рухын бірге ұлықтайық!

КӨК МАЙСА- Даланың тірі тарихы

Аңдатпа!

2026 жылғы 26 маусымда сағат 17:00-де Ұлытау облысының әкімі Дастан Рыспековтің Жаңаарқа ауданының тұрғындарымен кездесуі өтеді. Кездесуге дейін сағат 16:00-де облыс әкімдігінің басқармалар және орталық мемлекеттік органдар департаменттерінің басшылары азаматтардың сұрақтары бойынша жеке қабылдау өткізеді. Кездесу Жаңаарқа ауданы, Жаңаарқа кенті, С.Сейфуллин даңғылы, 13 мекенжайда орналасқан Мәдениет үйінде өтеді.

Ұлы Жеңіс күнінің қарсаңында

9 Мамыр – Ұлы Жеңіс күнінің қарсаңында Ұлытау облысында бірқатар әлеуметтік қолдау шарасы жүзеге асырылады. Атап айтқанда, тыл еңбеккерлеріне 200 000 (екі жүз мың) теңге көлемінде біржолғы әлеуметтік төлем беріледі. Сонымен қатар, Ұлы Отан соғысы қатысушылары мен мүгедектерінің жұбайларына 100 000 теңге мөлшерінде төлем қарастырылған. Бұдан бөлек, концлагерьлердің, геттолардың және өзге де мәжбүрлі ұстау орындарының тұтқындарына да 200 000 (екі жүз мың) теңге көлемінде біржолғы әлеуметтік көмек көрсетіледі. Төлемдер «Азаматтарға арналған үкімет» мемлекеттік корпорациясы арқылы жүзеге асырылып, азаматтардың есепшоттарына 25 сәуір мен 7 мамыр аралығында аударылады. Қазіргі таңда облыс бойынша 317 тыл еңбеккері, 19 Ұлы Отан соғысында қайтыс болған қатысушылардың (мүгедектердің) жұбайлары және 2 концлагерь тұтқыны тұрады.

Ералиев ауылдық округінің әкімінің кезекті есептік кездесуі

Құрметті Ералиев ауылдық округінің тұрғындары! 08 сәуір күні сағат 11-де ауылдық мәдениет үйінде ауыл әкімі Ербол Шубайұлы Мамбетовтың кезекті есептік кездесуі өтеді ! 09 сәуір күні сағат 11-де №140 негізгі мектеп ғимаратында Ақбастау, РЗД189 км тұрғындарымен кезекті есептік кездесуі өтеді І 10 сәуір күні сағат 11-де Жомарт бастауыш мектеп ғимаратында Жомарт станциясының тұрғындарымен кезекті есептік кездесуі өтеді ! Ауылымыздың дамуы үшін кездесуге келіп ұсыныс, тілектерінізді айтыңыздар ! Кездесу соңында жеке қабылдау жүргізіледі !!