«Шахтинск қаласының жұмыспен қамту және әлеуметтік бағдарламалар бөлімі» ММ

Жок, сақталмайды. Әлеуметтік қызметтер порталына ОЖАБ деректерін берген күннен бастап екі ай өткен соң өтініш берушіде порталда өнім берушіні таңдау мүмкіндігі бұғатталады және өтініш берушінің абоненттік нөміріне себебін көрсете отырып, өнім берушіні таңдау мүмкіндігін бұғаттау туралы смс-хабарлама жіберіледі. Порталда өнім берушіні таңдауды қайта бастау үшін өтініш беруші жеке кабинетінде «өнім берушіні таңдауды белсендіру» түймешігін басады. Жеткізушіні таңдауды жандандыру туралы мәліметтер автоматты түрде порталдан «Е-Собес» ААЖ-ға беріледі, содан кейін өтініш беруші «Е-Собес» ААЖ-дағы кезектілікті ескере отырып, порталда жеткізушіні таңдайды.

Бөлмеге арналған кресло-арбалар алған күннен бастап 7 жылдан ерте емес, серуендеуге арналған кресло-арбалар 4 жылдан ерте емес, әмбебап кресло-арбалар 5 жылдан ерте емес ауыстырылады.

Есту аппаратымен мерзімінен бұрын қамтамасыз ету туралы шешімді қалалық басқарма, жұмыспен қамту бөлімдері: 1) есту қабілеті нашарлаған және есту аппаратының басқа түрімен есту қабілетін түзету қажет болған кезде; 2) есту аппараты ұрланған немесе жоғалған кезде тиісті құжаттардың негізінде қабылдайды. Есту аппараты ұрланған кезде өтініш берушінің тұрғылықты жері бойынша ішкі істер органдарынан анықтама ұсынылады.

Қарағанды облысы Шахтинск қалалық мәслихатының 2024 жылғы 26 желтоқсандағы № 385/16 "Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы" шешіміне сәйкес Шахтинск қаласының және оған іргелес Долинка, Новодолинский, Шахан кенттерінің аумағында жалғыз тұрғын үй ретінде меншік құқығында тұрған тұрғын үйде тұрақты тіркелген және тұратын аз қамтылған отбасыларға (азаматтарға), сондай-ақ мемлекеттік тұрғын үй қорынан тұрғын үйді және жеке тұрғын үй қорынан жергілікті атқарушы орган жалдаған тұрғын үйді жалдаушыларға (қосымша жалдаушыларға), чекті немесе шот-фактураны (жылыту маусымына есептегенде -7 ай) көрсете отырып, нақты шығыстар бойынша қатты отынды тұтынуды төлеуге әлеуметтік көмек көзделген - 16 айлық есептік көрсеткіш. Әлеуметтік көмек алу үшін өтініш беруші өзінен немесе отбасы атынан уәкілетті органға нысан бойынша өтінішті, сондай-ақ ең төменгі күнкөріс деңгейінің бір жарым еселенген мөлшерінен аспайтын жан басына шаққандағы орташа табыстың болу фактісін растайтын құжатты ұсынады.

СМС-хабарлама түскен кезде Сізге ЭЦҚ көмегімен «Әлеумет» әлеуметтік қызметтер порталына кіріп және хабарлаған күннен бастап екі ай ішінде санаторийлік-курорттық емдеу алғыңыз келетін шипажайді таңдау қажет.