ҚР ІІМ Тергеу департаменті

Тергеу департаменті – Қазақстан Республикасы Ішкі істер министрлігінің ішкі істер органдарында қылмыстарды тергеуді, анықтауды және ашуды қамтамасыз ететін және тергеу, анықтау және әскери-тергеу бөліністерін үйлестіруді жүзеге асыратын құрылымдық бөлініс.

ТД:

1) Басшылықтан;

2) Аймақтық бақылау және алдын ала тергеуді ұйымдастыру басқармасынан;

3) Алдын ала тергеуді талдау жұмысы басқармасынан;

4) Анықтау жұмысын ұйымдастыру басқармасынан;

5) Бақылау-әдістемелік басқармасынан;

6) Ұйымдасқан қылмыстар туралы істерді тергеу басқармасынан;

7) Аса қауіпті қылмыстарды тергеу басқармасынан;

8) Ауыр және мүліктік қылмыстарды тергеу басқармасынан;

9) Экстремизммен және есірткі құралдарының заңсыз айналымымен байланысты қылмыстарды тергеу басқармасынан;

10) Әскери-тергеу басқармасынан тұрады.

Міндеттері:

1) ішкі істер органдарының тергеуіне жатқызылған қылмыстардың жан-жақты, толық және объективті тергелуін қамтамасыз ету мақсатында тергеу, анықтау бөліністерін және әскери-тергеу бөліністерін ұйымдастырушылық-әдістемелік басқару және аймақтық бақылау;

2) тергеу, анықтау бөліністерінің және әскери-тергеу бөліністерінің қызметін ақпараттық-аналитикалық қамтамасыз ету;

3) қылмыс жасаған адамдарды уақтылы әшкерелеу және қылмыстық жауапкершілікке тарту, жасалған қылмыстар үшін жазаның бұлтартпастығын қамтамасыз ету;

4) әскери қылмыстардың алдын алу, анықтау, жолын кесу және ашу;

5) қылмыстық істерді тергеу барысында азаматтардың, ұйымдардың және мемлекеттің құқықтары мен заңды мүдделерін қорғау;

6) қылмыстық іс жүргізу саласындағы халықаралық ынтымақтастық;

7) қылмыстар профилактикасы;

8) қылмыстарды анықтаудың, ашудың және тергеудің отандық және шетелдік оң тәжірибені зерделеу, жалпылау және ішкі істер органдарының практикасына енгізу.