Кәсіпкерлікті және өнеркәсіпті дамыту жөніндегі бөлім

Алматы қаласы Наурызбай ауданы әкімі аппаратының

кәсіпкерлікті және өнеркәсіпті дамыту жөніндегі бөлімінің

ЕРЕЖЕСІ

1. Жалпы ережелер
2. Кәсіпкерлікті және өнеркәсіпті дамыту жөніндегі бөлімі (әрі қарай – бөлім) «Алматы қаласы Наурызбай ауданы әкімінің аппараты» КММ (әрі қарай – әкім аппараты) құрылымдық бөлімшесі болып табылады және аудан әкіміне, жетекшілік ететін аудан әкімінің орынбасарына бағынады.
3. Бөлім өз қызметінде Қазақстан Республикасының Конституциясы, Қазақстан Республикасының Президенті және Үкіметінің актілері, «Қазақстан Республикасындағы жергілікті мемлекеттік басқару мен өзін-өзі басқару туралы», «Қазақстан Республикасының мемлекеттік қызметі туралы», «Сыбайлас жемқорлыққа қарсы іс-қимыл туралы», «Құқықтық актілер туралы» Заңдарына, «Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы», Қазақстан Республикасының әкімшілік рәсімдік-процестік кодексі, Қазақстан Республикасының басқа да қолданыстағы Заңдары мен нормативтік құқықтық актілерін, сондай-ақ осы Ережені басшылыққа алады.
4. Бөлімнің құрылымдық, штат саны Қазақстан Республикасының заңнамасында белгіленген тәртіппен Алматы қаласы Наурызбай ауданы әкімі аппаратының штаттық кестесіне сәйкес бекітіледі.
5. Бөлім құралады:

• бөлім басшысы;
• бас инспектор;
• бас маман;
• бас маман.

2. Кәсіпкерлікті және өнеркәсіпті дамыту жөніндегі бөлімінің мақсаттары, құқықтары мен міндеттері
3. Мақсаты: Кәсіпкерлікті және өнеркәсіпті дамыту бойынша мемлекеттік бағдарламаларды іске асыру.

Функциялары:

• бизнесті қолдау бағдарламаларын жеткізу және түсіндіру мақсатындаа бизнес өкілдерімен аудандық семинар-жиналыстар ұйымдастыру;
• кәсіпкерлікпен айналысқысы келетін тұлғаларға, кәсіпкерлерге ақпараттық-түсіндіру түріндегі көмек көрсету;
• мемлекеттік бағдарламаларға қатысуға мүдделі кәсіпкерлер санын ұлғайту;
• мемлекеттік бағдарламаларға қатысушылардың жобаларын іске асырылуын бақылау;

6. Міндеті: Меншік нысанына қарамастан ауданда орналасқан кәсіпорындар мен ұйымдардың аналитикалық анықтамасын жинақтау, статистикалық мәліметтерді саралау, негізгі экономикалық көрсеткіштерді жүйелі жоспарлау және қол жеткізу үшін жұмыстар жүргізу.

Функциялары:

• өндірістік кәсіпорындардың айсайынғы 1-п есептілігін уақытылы тапсыруын қадағалау;
• кәсіпорындардың айсайынғы 1-инвест есептілігін уақытылы тапсыруын қадағалау;
• ауданның әлеуметтік-экономикалық дамуына әсер ететін ақпараттарды жинау;
• өндірістік кәсіпорындардың жұмысына мониторинг және талдау жасау;
• салынып жатқан объектілер бойынша мониторинг және ақпарат жинау (түгендеу);

7. Міндеті: өнеркәсіп, сауда, құрылыс, көлік саласындағы жетекшілік ететін кәсіпорындарды дамыту, қызметтер көрсету және өзге де салалар бойынша ұйымдастыру және үйлестіру іс-шараларын жүргізу.

Функциялары:

• кәсіпорындар берешегінің және қызметкерлерге жалақы төлеудің мониторингі;
• қалалық және аудандық іс-шараларды ұйымдастыруға және өткізуге жәрдем көрсетеді;
• ауданда «демалыс күні» жәрмеңкесін ұйымдастыру және өткізу;
• Наурызбай ауданында баға мониторингі және инфляциялық процестерді тежеу жөніндегі жұмыс тобының жұмысын ұйымдастыру;
• іргелес аумақты абаттандыру және санитарлық тазарту мәселелері бойынша кәсіпкерлік субъектілерімен жұмыс жүргізу;
• кәсіпкерлік субъектілеріне, бос тұрған үй-жайларға және жер учаскелеріне қатысты толық деректер базасын құру;
• қайрымдылық көмек көрсетуге жәрдемдесу.

8. Міндеті: салық және бюджетке төленетін басқа да міндетті төлемдерді жинауға жәрдемдесу.

Функциялары:

• ауданның мемлекеттік кірістер басқармасымен бірлесіп жаңадан тіркелген кәсіпорындардың тізімін әзірлейді;
• аудан аумағында орналасқан кәсіпкерлерді қайта тіркеу жұмыстарын жүргізу;
• жаңа заңды тұлғаларды анықтау бойынша бірлескен тексерулер жүргізу;
• жаңадан ашылған жұмыс орындары бойынша Мониторинг және талдау;
• меншік нысанына қарамастан кәсіпорындар мен ұйымдар бойынша қажетті ақпаратты, мәліметтерді жинау, анықтамалар мен талдау материалдарын дайындау.

9. Міндеті: қоғамдық көлік жұмысынының жай-күйін мониторингтеу және талдау.

Функциялары:

• жаңа бағыттарды ұйымдастыру мәселелері бойынша уәкілетті органға ұсыныстар енгізуге құқылы;
• қоғамдық көліктің жұмысын жақсарту жөнінде ұсыныстар енгізуге құқығы бар.

10. Міндеті: Ауданның мүдделі қызметтерімен бірлесіп белгіленбеген орындарда сауданы жою жөніндегі жұмысты ұйымдастыру;

Функциялары:

• заңсыз сауда орындарын анықтау бойынша уәкілетті органдармен бірлескен мониторингтік жұмыстарды жүргізу;
• өз бетінше орналастырылатын жарнамалық және өзге де хабарландыруларды, оның ішінде уәкілетті органның ұсынған деректері негізінде жою жөніндегі жұмыстарды жүргізу;
• Құқығы және міндеттері:
• өз құзыреті шегінде бөлімдерден, құрылымдық бөлімшелердің, аудандық қызметтер мен ұйымдардың басшыларынан жүктелген міндеттерді жүзеге асыру үшін қажетті ақпаратты, құжаттарды, анықтамаларды, мәліметтерді және өзге де материалдарды сұрату және алу;
• бөлім құзыретіне жататын мәселелер бойынша аудан әкімінің қарауына ұсыныстар енгізу;
• ауданның, қаланың және әкім аппаратының тиісті қызметтерімен өзара іс-қимыл жасау;
• бөлім қызметінің саласына кіретін мәселелер бойынша азаматтардың өтініштерін, шағымдарын және өтініштерін қарау.

3. Кәсіпкерлікті және өнеркәсіпті дамыту жөніндегі бөлімініңқызметін ұйымдастыру
4. Бөлім қызметкерлері лауазымдық нұсқаулықпен белгіленген жұмыс жағдайына дербес жауапты болады.
5. Бөлім басшысы бөлім қызметіне жалпы басшылықты жүзеге асырады, еңбек және атқарушылық тәртіпке жауап береді және бөлімге жүктелген міндеттердің орындалуына және оның функцияларын жүзеге асыруға дербес жауапты болады.