Қызылорда облысының табиғи ресурстар және табиғат пайдалануды реттеу басқармасы
Басқарма туралы
«Қызылорда облысының табиғи ресурстар және табиғат пайдалануды реттеу басқармасы» коммуналдық мемлекеттік мекемесі (бұдан әрі - Басқарма) Қызылорда облысының аумағында қоршаған ортаны қорғау және табиғатты пайдалану саласындағы іс-шараларды жүзеге асыру функцияларын орындауда басшылықты жүзеге асыратын Қазақстан Республикасының мемлекеттік органы болып табылады.
2025-2027 жылдарға арналған Қызылорда облысы бойынша қоршаған ортаны қорғау жөніндегі іс-шаралар жоспарының 2026 жылдың 9 ай қорытындысымен орындалуы
Жарияланды:
Есеп
2026 жылдың IІI тоқсанының қорытындысы бойынша жеке және заңды тұлғалардың өтініштері бойынша анықтама
Е-ӨТІНІШ ЖҮЙЕСІ БОЙЫНША 2026 жылғы 01 қаңтар – 30 қыркүйекаралығында басқармаға барлығы 242 өтініш тіркелген. Оның ішінде: Арыз (ЖТ/ЗТ тұлғаларды қабылдауға арыз)–97; Шағым - 4; Басқа да өтініштер (хабар, сұрау салу, үн қосу, ұсыныс) - 141; Государственные органы бойынша жолданғаны - 81; Қаралған жолданымдар –160; Оңайлатылған әкімшілік рәсім тоқтатылды – 4; Жауап берілді-65; Назарға алынды - 102; Шағым қараусыз қалдырылды – 0; Есептік кезеңнің соңына қалдықта қалғаны – 10. Заңнамаға сәйкес барлық жолданымдарға мерзімінде жауап берілді. Жеке қабылдау бойынша: Бекітілген қабылдау кестесіне сәйкес басқарма басшысы және басқарма басшысының орынбасары жеке және заңды тұлғалардың өкілдерімен жеке қабылдауды тұрақты түрде жүргізіп келеді. Сонымен қатар, жеке қабылдаудың кестесі облыс әкімдігі ғимаратының 1 қабатында көрнекі жеріне ілініп, халыққа қол жетімді болу мақсатында басқарманың ақпараттық жүйелеріне енгізілген.
Жарияланды:
Есеп
2026 жылдың 9 айында атқарылған жұмыстар
БАСҚАРМА БЮДЖЕТІ 2026 жылы 9 айдың бюджет көлемі 9 бюджеттік бағдарламасы бойынша – 8 796,3 млрд. теңге құрады. 2026 жылдың 9 айдың төлемдері бойынша қаралған қаржы 6 675,2 млрд. теңге құрап, оның 6 673,9 млрд. теңгесі игеріліп, 100,0 %-ға орындалды.
Жарияланды:
Есеп
2026 жылдың 9 айында атқарылған жұмыстар
МЕМЛЕКЕТТІК КӨРСЕТІЛГЕН ҚЫЗМЕТТЕР БОЙЫНША Қызылорда облысының табиғи ресурстар және табиғат пайдалануды реттеу басқармасымен 2026 жылдың 9 айында1055мемлекеттік қызмет түрлері бойынша электронды үкімет порталы арқылықызметтер көрсетілді.Атап айтсақ:1. «II санаттағы объектілер үшін әсер етуге арналған экологиялық рұқсатты беру» қызметі бойынша 62 экологиялық рұқсат берілді.2. «Мемлекеттік экологиялық сараптама қорытындысын беру» қызметі бойынша – 142қорытынды берілді.Анықтама: Оның ішінде: ІІ санат объектілері бойынша –65; ІІІ санат объектілері бойынша – 65; Өзге жобалар (иные проекты - 15).3. «Жануарлар дүниесін пайдалануға рұқсат беру» қызметі бойынша – 221 мемлекеттік қызмет көрсетілді.4. «Ағаш кесу және орман билетін беру» қызметі бойынша – 423 рұқсат құжаты берілді.5. «Балық ресурстарын және басқа да су жануарларын пайдалануға рұқсат беру» мемлекеттік қызметі бойынша электронды үкімет порталы арқылы – 207 рұқсат берілді.
Жарияланды:
Есеп
2026 жылдың 9 айында атқарылған жұмыстар
ҚАЛДЫҚТАРДЫ БАСҚАРУ БОЙЫНША Облыс бойынша 2026 жылдың ІІІ тоқсаны қорытындысымен жинақталған 233 010 тонна қатты тұрмыстық қалдықтардың82 615 тоннасы өңделді (35.4%).Облыс бойынша қалдықтарды жинау, тасымалдау, сұрыптау және өңдеу саласында 17 кәсіпкерлік субъектілері жұмыс жасауда.«Smart Rubber» ЖШС автокөліктердің шиналарынан резеңке ұнтақтарын (гранула) шығаруда. «Қызылорда Қағазы» ЖШС макулатура, картон қалдыктарын жинақтап, қағаз өнімдерін (әжетхана қағазын) шығаруда. «Қарасақал» ЖК макулатура, пластик, картон қалдықтарын жинақтауды арнайы қабылдау пунктінде жүзеге асыруда. «Август» ЖК және «Абай Даулет» ЖШС пластик, картон калдықтарын сұрыптап, жинақтауда.Облыс бойынша тұрмыстық қатты қалдықтарға арналған барлығы - 9 948 дана контейнерлер, оның ішінде, қалдықтарды бөлек жинауға арналған – 2 211 дана арнайы контейнерлер орналасқан.Облыстың 140 елді мекендерінде полигон қызметі үшін жалпы көлемі 402 гектар жер учаскелері белгіленген, оның ішінде 7 полигонға (5%) экологиялық және санитарлық рұқсат құжаттары алынған.Облыс бойынша тұрмыстық қатты қалдықтарды сұрыптау, өңдеу бағытында10 жоба жүзеге асырылуда. Оның ішінде, 9 жоба «Жасыл Даму» акционерлік қоғамы қаржыландыруы арқылы іске асырылуда. Оның ішінде, Жаңақорған ауданы бойынша қуаттылығы жылына 20 мың тонна сұрыптау жобасын іске асыратын «Ком хоз Жаңақорған» ЖШС-нің жалпы құны 159,5 млн.теңге болатын жобасына(қаржыландыру сомасы – 143,5 млн теңге)қаржы бөлініп, іске қосылды. «Хан-Батыр» ЖШС – қуаттылығы жылына 10 мың тонна сұрыптау жобасы. Жобаның жалпы құны – 80 млн теңге, қаржыландыру сомасы – 72,1 млн теңге. Қазіргі уақытта жоба мақұлданып, 21.09.2026 ж. қаржыландырылды. «Дезинфекция» ЖШС – қуаттылығы жылына 1,2 мың тонна пластикті қайта өңдеу жобасы. Жобаның жалпы құны – 214 млн теңге, қаржыландыру сомасы – 193,4 млн теңге. Жоба 2025 жылғы 4 желтоқсанда мақұлданды. Қаржылық лизинг шарты 2026 жылғы 3 маусымда жасалды, 25.09.2026 ж. қаржыландырылды. «WITH YOU E&C KYZYLORDA» ЖШС – қуаттылығы жылына 300 мың тонна сұрыптау жобасы. Жобаның жалпы құны – 8,5 млрд теңге, қаржыландыру сомасы – 6,8 млрд теңге. Жоба 2025 жылғы 24 қарашада мақұлданды. Қаржылық лизинг шарты 2025 жылғы 31 желтоқсанда жасалды. Бүгінде 20 пайыз қаражатын салу күтілуде. «Seven Rivers Technologies» ЖШС – жылына 86 мың тонна шыныны қайта өңдеу жобасы. Жобаның жалпы құны – 31,3 млрд теңге, қаржыландыру сомасы – 28,2 млрд теңге. Жоба Инвестициялық штабтың 2024 жылғы 12 маусымдағы отырысында мақұлданды. Жоба Инвестициялық штабтың қарауына енгізілгеннен кейін, 2026 жылғы 12 наурызда мемлекеттік сараптаманың оң қорытындысы алынды. Сараптама нәтижесінде жобаның құны шамамен үш есеге ұлғайды. Осыған байланысты жобаға өзгерістер енгізілуде. Қазалы (ЖК «Досмұқасан Жалғасбек»), Жалағаш («К. Канатбаева» ЖШС)және Шиелі («Формула безопасности Астана» ЖШС)аудандарында қайталама материалдық ресурстарды алуға арналған қалдықтарды сұрыптау кешендерін ұйымдастыру жобаларын іске асыру жоспарланған. Бұл ретте, жергілікті атқарушы органдар тарапынан жобалар толықтай сүйемелдеуге алынып, инвесторларға қажетті деңгейде қолдау жұмыстары жүргізілді. Тиісті мемлекеттік органдармен өзара іс-қимыл жасасу, құжаттарды рәсімдеу және жобаны қаржыландыруға байланысты мәселелерді дер кезінде шешу бағытында толықтай қолдау шаралары атқарылды. Алайда, инвесторлардың қаржылық тұрақсыздығына, лизингтік несиені мүлікпен қамтамасыз етілмеуіне, кепілге қойылған мүліктік ғимараттарының басқа қаржы ұйымдарына қайта кепілге қойылуына байланысты 2024 жылы бастау алған жобалар бүгінге дейін созбалаңға салынып, іске асырылмауда. Осы орайда, инвесторлар тарапынан жергілікті әкімдіктергеқалдықтарды сұрыптау кешендерін ұйымдастыру жобалары бойынша лизингтік қаржыландыруды одан әрі рәсімдеу және қаржылық лизинг шарттарын жасасуға қатысты тиісті жұмыстарды тоқтатып, жалпы жобаны іске асырудан бас тарту туралы өтініш хаттар түсуде. Аталған жобалардың өңір үшін әлеуметтік-экономикалық және экологиялық маңыздылығын ескере отырып, қалдықтарды сұрыптау кешендерін іске асырудың басқа да жолдары қарастырылуда. Осы бағытта, инвесторлар орындарына аудандардан арнайы ашылған тазалық мәселелерімен айналысатын мемлекеттік мекемелермен жобаларды іске асыру жоспарлануда. Бұдан бөлек, Қызылорда қаласында «Rem Plast Invest» ЖШС-нің «Гофрлеу және картонның тегіс қабаты үшін қағаз өндірісі» жобасы жүзеге асырылуда. Жоба құны 559 млн.теңге(100% - жеке қаражат).Мемлекеттік қолдау шарасы ретінде 2,5 га жер телімі берілді. Жобаның жалпы қуаттылығы жылына 5,4 мың тонна. Қазіргі уақытта, құрылыс жұмыстары 80% аяқталып, инженерлік желілер жүргізу бойынша жұмыстар жүруде. Жобаны жыл аяғына дейін іске қосу жоспарлануда.
Жарияланды:
Есеп
2026 жылдың 9 айында атқарылған жұмыстар
БАЛЫҚ ШАРУАШЫЛЫҒЫ БОЙЫНШАОблыс аумағында Кіші Арал теңізі, Сырдария өзені және балық шаруашылығына маңызы бар 201 көлдер бар. Оның ішінде, Кіші Арал теңізі толықтай және 161 көл конкурстық негізде 5-49 жылдарға табиғат пайдаланушыларға бекітіліп берілсе, 40-ы (Арал-5, Қазалы-12, Қармақшы-6, Жалағаш-2, Сырдария-6, Жаңақорған-1, Шиелі-5, Қызылорда-3) резервтік қорда.Облыс су айдындарының биологиялық әртүрлілігіне балықтың 16 негізгі кәсіптік түрі кіреді: торта, көксерке, табан, алабұға, қылышбалық, шортан, аққайран, қызылқанат, мөңке, жыланбас, камбала, сазан (тұқы), ақмарқа, жайын, айнакөз, ақ амур.Балық шаруашылығы 3 бағытқа бөлінген: кәсіпшілік балық аулау, балық өсіру (аквакультура) және балық өнімдерін өңдеу. Балық аулау:Кәсіпшілік балық аулау-табиғи су айдындарында балық ресурстарын және басқа да су жануарларын аулау. 2026 жылдың 9 айында 3600 тонна балық ауланды.Балық экспорты:2026 жылдың 9 айында 2266,2 тонна балық өнімдері 12 шет мемлекеттеріне экспортталды.Анықтама: 2025 жылы 4434 тонна балық өнімдері 12 шет елдеріне экспортталды.Бүгінгі күні облыста 11 балық өңдеу зауыттары жұмыс жасауда. Оның 4-уінде Еуропалық Одақ елдеріне балық өнімдерін экспорттау құқығын алған Еуропалық одақтың талаптарына сәйкес келеді.Балық өңдеу зауыттарының жалпы қуаттылығы жылына 23,8 мың тоннаны құрайды.Анықтама: Экспортталатын балықтардың негізгі түрлері: тыран, торта, алабұға, шортан, көксерке. Сондай-ақ, өңделген өнімдер түрінде көксерке сүбесі, тыран қанаттары, балық фаршы, балық сүбесі, мұздатылған балық және балық ұны.Тауарлы балық өсіруді (аквакультура) дамыту бойынша:Облыста балық өсіру: көл тауарлы балық өсіру, тоғанда балық өсіру, тор қоршамада балық өсіру және түйық жүйелі сумен қамтамасыз ету құрылғылары арқылы балық өсіру шаруашылықтарымен жүргізіледі.Балық шаруашылығын дамытудың 2021-2030 жылдарға арналған бағдарламасына (Үкіметтің 2021 жылғы 5 сәуірдегі № 208 қаулысымен бекітілген) (бұдан әрі - Бағдарлама) сәйкес 2030 жылға қарай балық өсіру көлемін 16 000 тоннаға дейін жеткізу жоспарлануда.Бағдарламаға сәйкес, 2030 жылға дейін 16 тор қоршамада балық өсіру шаруашылығы, 12 тоған шаруашылығы, 3 тұйық жүйелі сумен қамтамасыз ету құрылғылары іске қосылуы және көлде тауарлы балық өсіру шаруашылықтарының саны 55-ке жеткізу жоспарланған.Бүгінгі күні, облыста тауарлы балық өсірумен 110 шаруашылық айналысады.Оның ішінде: 76-көл тауарлы балық шаруашылығы көлі, 28 – тоған және 2 – тор шаруашылығы және 4 – тұйық жүйелі сумен қамтамасыз ету құрылғылары арқылы балық өсіру шаруашылықтарымен жүргізіледі.2025 жылы облыс бойынша 1 400 тонна балық өсіріліп, Республикалық балық шаруашылығын дамытуда көрсетілген көрсеткіш толық орындалды. 2026 жылы 2765 тонна балық өсіру жоспарланған.Анықтама: 2021 жылы жоспарланған тауарлы балықтың көлемі 172 тонна, нақты 184 тонна өсірілді, 2022 жылы жоспарланған тауарлы балықтың көлемі 480 тонна, нақты 527 тонна өсірілді, 2023 жылы жоспарланған тауарлы балықтың көлемі 800 тонна, нақты 875 тонна өсірілді, 2024 жылы жоспарланған тауарлы балықтың көлемі1426 тонна, нақты 1447 тонна өсірілді. Акваөсіру шаруашылықтарын субсидиялау:Ағымдағы жылға акваөсіру саласында 54 млн теңге қаржы бөлініп, бүгінгі күні көрсетілген қаражаттың 43,6 млн теңгесі игерілді. Өз кезегінде 10,7 млн теңгеге табиғат пайдаланушылар тарапынан өтінімдер қабылдануда.