«Жалағаш ауданының қоғамдық даму бөлімі» коммуналдық мемлекеттік мекемесі

Мақсаттары:

ауданда ішкі саяси тұрақтылықты және азаматтық, қоғам институттарымен өзара іс-қимылды қамтамасыз ету;

аудандағы қоғамдық-саяси жағдайларға сараптама мен мониторинг жүргізу;

мемлекеттік жастар саясатын жүзеге асыру;

Өкілеттіктері:

1) құқықтары:

мемлекеттік органдардан, олардың лауазымды тұлғаларынан және өзге де тұлғалардан заңнамада белгіленген тәртіппен қажетті ақпарат пен материалдарды сұрату, алу және беру;

Бөлімнің құзыретіне кіретін мәселелер бойынша түсіндірулер мен түсініктемелер беру;

құзыреті шегінде конкурстарды, кеңестерді, семинарларды және басқада іс-шараларды ұйымдастыру және өткізу;

Қазақстан Республикасының заңнамасына сәйкес Бөлімнің құқықтары мен мүдделерін қорғау мақсатында сотқа жүгіну, талап арыздар беру;

Қазақстан Республикасының заңнамасында козделген өзге де құқықтарды жүзеге асыру;

2) міндеттері:

Бөлімнің құзыретіне кіретін мәселелер бойынша жеке және заңды тұлғалардың арыздары мен шағымдарын (жолданымдарын) Қазақстан Республикасының заңнамасында белгіленген тәртіппен қарау;

жеке және заңды тұлғалардың өкілдерін қабылдауды ұйымдастыру;

Қазақстан Республикасының заңнамасына сәйкес өзге де міндеттерді жүзеге асыру.

Функциялары:

1) әкімдіктер жанындағы жастар істері жөніндегі кеңестердің қызметіне қатысады;

2) мемлекеттік жастар саясатын іске асырады;

3) өңірлік жастар форумын өткізуді қамтамасыз етеді;

4) аудандағы діни ахуалды зерделеуді және талдауды жүргізеді;

5) діни бірлестіктермен өзара іс-қимыл саласындағы мемлекеттік саясаттың негізгі бағыттарын қалыптастыруға және іске асыруға қатысады;

6) Қазақстан Республикасының коммерциялық емес ұйымдар туралы заңнамасын бұзушыларға Қазақстан Республикасының “Әкімшілік құқық бұзушылық туралы” Кодексінде белгіленген әкімшілік ықпал ету шараларын қолданады;

7) өз құзыретіне жататын мәселелер бойынша түсіндіру жұмыстарын жүзеге асыруды қамтамасыз етеді.

8) қоғамдық саяси және діни бірлестіктермен, саяси партиялармен іс-қимылдар жүргізу;

9) қоғамдық байланыстар, бұқаралық ақпарат құралдарына жергілікті мемлекеттік тапсырыстарды бөлу;

Бөлімнің мынадай ведомстволары бар:

- “Жалағаш ауданының қоғамдық даму бөлімі” коммуналдық мемлекеттік мекемесінің “Жалағаш аудандық жастар ресурстық орталығы” коммуналдық мемлекеттік мекемесі.