«Шахматтан және үстел ойындарынан мамандандырылған балалар мен жасөспірімдер спорт мектебі» КММ

Спорт мектебінің негізгі мақсаттары:

- оқушылардың шахматтан және үстел ойындары спорт түріне қабілетін анықтау;

- оқушыларды шахматтан және үстел ойындары спорт түріне және моральдық-ерік қасиеттерін тәрбиелеу.

Спорт мектебінің негізгі міндеттері:

- жалпы білім беру мектептерінде және басқа да білім беру мекемелеріне спорт мектебінде жүргізілетін спорт түрлері бойынша әдістемелік және спорттық-бұқаралық жұмыстарға жан-жақты көмек көрсету;

- спорт резервін, аудандық, қалалық, облыстық, республикалық құрама командаларға үміткерлер даярлауды қамтамасыз ету және спорт мектептерінде жоғары дәрежелі спортшыларды тәрбиелеу.

Алға қойылған міндеттерді іске асыру үшін спорт мектебі:

- жыл бойы тұрақты сабақтар өткізу үшін жағдайлар жасайды;

- қабілетті оқушыларды болашақта спорт түрлері бойынша мамандыру үшін іріктеу жүйесін ұйымдастырады;

- жүйелі тәрбиелік жұмыстарды, соның ішінде оқушылардың спорттық этиканы сақтау дағдыларын, ұйымшылдығын дамытуды ұйымдастырады;

- алдыңғы қатарлы спортық технологияларды пайдаланып, соның ішінде оқу-жаттығу процесін ұйымдастырады;

- оқушылардың қажетті теориялық білімді және тәжірибиелік дағдыларды игеруін қамтамасыз етеді.