memleket.kz

    ҚР ІІМ Тыл департаменті

    Жалпы ақпарат

    Тыл департаменті – Қазақстан Республикасының заңнамасына сәйкес әскери және арнайы қамтамасыз етуді, күрделі құрылысты, шаруашылық жабдықтауды, полиция органдарының ғимараттарына жөндеу-пайдалану қызметін көрсетуді, бекітілген контингентті медициналық қамтамасыз етуді ұйымдастыруды жүзеге асыратын Қазақстан Республикасы Ішкі істер министрлігінің құрылымдық бөлінісі.

    Тыл департаменті:

    1) Басшылықтан;

    2) Әскери және арнайы қамтамасыз ету басқармасынан;

    3) Әскери инженерлік-техникалық қамтамасыз ету басқармасынан;

    4) Мемлекеттік сатып алу және мониторинг басқармасынан;

    5) Медициналық басқармадан;

    6) Күрделі құрылыс тобынан;

    7) Ғимараттар мен имараттарды пайдалану тобынан;

    8) Кеңседен тұрады.

    Міндеттері:

    1. ІІМ-нің орталық аппаратын және аумақтық полиция бөліністерін қару-жарақпен, оқ-дәрілермен, автокөлікпен, арнайы құралдармен және бронды қорғау жеке құралдарымен, химиялық қорғау құралдарымен, инженерлік мүлікпен, нысанды киім-кешекпен, керек-жарақпен, жиһазбен, кеңсе тауарларымен, мүкәммалмен, құрал-жабдықпен, спорттық және шаруашылық мүлікпен (бұдан әрі – әскери және арнайы мүлік) қамтамасыз етуді ұйымдастыру.
    2. Әскери инженерлік-техникалық қамтамасыз етуді, әскери мүлікті сатып алуды ұйымдастыру, ІІМ орталық аппаратының әскери мүлкімен жұмыс істеу.
    3. мемлекеттік сатып алу рәсімін ұйымдастыру.
    4. бекітілген контингентті медициналық қамтамасыз етуді ұйымдастыру.
    5. полиция бөліністерінің әкімшілік және өндірістік ғимараттары мен құрылыстарын салуды, күрделі және ағымдағы жөндеуді ұйымдастырады.
    6. ІІМ орталық аппаратының ғимараттары мен құрылыстарын пайдалану. ІІМ орталық аппаратының қызметін шаруашылық қамтамасыз ету.
    7. ІІМ орталық аппаратын техникалық персоналмен жасақтау.
    8. құрылыс жүргізу, пайдалану, ғимараттарды, құрылыстарды, жабдықтарды және автомобиль техникасын, күрделі және ағымдағы жөндеу, бекітілген контингентті медициналық қамтамасыз ету, материалдық-техникалық ресурстарды сатып алу және жеткізу кезінде ІІД тылдық қамтамасыз ету бөліністерінің қызметіне әдістемелік басшылық ету, бақылау және үйлестіру.