ҚР ІІМ Цифрландыру және жасанды интеллект департаменті

Цифрландыру және жасанды интеллект департаменті – ақпараттандыру саласындағы технологияларды дамытудың қазіргі заманғы деңгейін және мемлекеттік құпияларды және ақпараттық қауіпсіздікті техникалық қорғауды қамтамасыз етуді ескере отырып, ақпараттандыру саласында жұмыстарды ұйымдастыру, үйлестіру және ІІО-ны ақпараттық және байланыспен қамтамасыз ету мақсатында құрылған Ішкі істер министрлігінің дербес құрылымдық бөлінісі.

АБД:

1) Басшылықтан;

2) Ақпаратты техникалық қорғау басқармасынан;

3)Телекоммуникациялар және автоматтандырылған жүйелер басқармасынан;

4) Радиобайланыс және корпоративтік желі басқармасынан;

5) Озық технологиялар басқармасынан;

6) Ақпараттық қамтамасыз ету басқармасынан;

7) Кеңседен тұрады.

Міндеттері:

1) технологияларды дамытудың қазіргі заманғы деңгейін ескере отырып, ІІО-да ақпараттандыру, байланыс, ақпараттық қамтамасыз ету және ақпараттарды техникалық қорғау саласында бірыңғай саясатты қалыптастыру және жүзеге асыру;

2) ақпараттандыру, байланыс және ақпараттарды техникалық қорғау саласында ІІО-ның қызметін техникалық қамтамасыз ету;

3) ақпараттандыру, байланыс және ақпаратты техникалық қорғау саласында ІІО-ны дамыту;

4) ІІО-ны ақпараттандыру саласындағы мемлекеттік құпиялардың техникалық қорғалуы мен ақпараттық қауіпсіздігін қамтамасыз ету;

5) ІІО-ны ақпараттық қамтамасыз етуді жетілдіру;

6) өз құзыреті шегінде Қазақстан Републикасы ІІО-ның бөліністерін оларға жүктелген тапсырмаларды іске асыру үшін қажетті ақпаратпен уақтылы, толық және дұрыс қамтамасыз ету;

7) өз құзыреті шегінде құқықтық мемлекеттік статистиканы жетілдіру және ІІО-да ведомстволық статистикалық есепті қалыптастыру.

8) ІІО-да Ұлттық мұрағаттық қор және мұрағат туралы заңнаманың негіздерінің орындалуына ұйымдастырушылық-әдістемелік басшылықты және бақылауды жүзеге асыру.