Өмірбаян
Қайрат Асаниязұлы Саржанов – Қазақстанның Швейцариядағы Елшісі
1967 жылы 24 ақпанда Алматы облысында дүниеге келген. 1992 жылы М.В.Ломоносов атындағы Мәскеу мемлекеттік университетінің тарих факультетін, 1995 жылы халықаралық құқық мамандығы бойынша Ресей Федерациясының Дипломатиялық академиясын бітірген.
Дипломатиялық қызметін 1995 жылы ҚР СІМ Халықаралық қауіпсіздік және қару-жарақты бақылау басқармасының атташесі лауазымынан бастаған. 1996 жылдан 2002 жылға дейін Көпжақты ынтымақтастық департаментінде тиісті лауазымдарда жұмыс істеді. Одан әрі Қазақстанның Жапониядағы Елшілігінде бірінші хатшы және кеңесші, Қазақстанның Чехиядағы (Словакиядағы) Елшілігінде кеңесші және кеңесші-уәкіл лауазымдарын атқарды. 2011-2016 жылдары – ҚР СІМ Әкімшілік және бақылау департаментінің директоры. 2016-2021 жылдары Қазақстанның Бразилиядағы Елшісі, Аргентина және Чилидегі Елшісі қызметін қоса атқарушы болды.
Қазақстанның Швейцариядағы Елшісі болып тағайындалғанға дейін 2021 жылғы наурыздан бастап ҚР СІМ Халықаралық қауіпсіздік департаментінің директоры қызметін атқарды.
I сыныпты Төтенше және Өкілетті Уәкіл дипломатиялық дәрежеге ие.