Жусупов Усен Куанышевич

Жүсіпов Үсен Қуанышұлы, 1974 жылғы 18 қарашада Көкшетау облысы, Арықбалық ауданы, Имантау ауылында туған.

Білімі – жоғары. Үйленген, екі бала тәрбиелеп отыр.

1997 жылы Шоқан Уәлиханов атындағы Көкшетау университетін «Ауыл шаруашылығын механикаландыру» мамандығы бойынша бітірген.

Әскери қызметі:

10.1998–10.1999 жылдары – мерзімді әскери қызмет атқарған.

03.2005–12.2021 жылдары – Қазақстан Республикасы Қарулы Күштерінің қатарында келісімшарт бойынша әскери қызметші және офицерлік құрам лауазымдарында әскери қызмет атқарған. Әскери қызметте болудың шекті жасына толуына байланысты әскери қызметтен босатылған.

Еңбек қызметі:

04.1998–10.1998, 04.2000–03.2005 жылдары – Имантау ауылдық округінің жерге орналастырушысы, ток меңгерушісі; №3 кәсіптік-техникалық мектебінің өндірістік оқыту шебері, «Көкшетау электр желілері» ЖШС-нің бақылаушысы, электрмонтері.

09.2022–08.2023 жылдары – Абай Мырзахметов атындағы Көкшетау университетінің әскери кафедрасының оқытушысы.

2023 жылғы қазан айынан бастап қазіргі уақытқа дейін – «Ақмола облысының жұмылдыру даярлығы, аумақтық және азаматтық қорғаныс басқармасы» ММ жанындағы «Аумақтық, азаматтық қорғанысты және азаматтарды мерзімді әскери қызметке шақыруды қамтамасыз ету қызметі» коммуналдық мемлекеттік мекемесінің басшысы.