Алимжанов Думан Жаканович

Думан Жақанұлы 1993 жылғы 29 қазанда Саран қаласында дүниеге келген.

Мемлекеттік органдардағы жұмыс тәжірибесі мол, жергілікті мемлекеттік басқару мәселелерін жақсы меңгерген және тұрғындармен тиімді жұмыс жүргізу тәжірибесіне ие.

Еңбек жолын 2013 жылы бастаған. Әр жылдары логистика, сауда, мемлекеттік кірістер және мемлекеттік басқару салаларында қызмет атқарған.

2017 жылдан бастап Саран қаласы бойынша Мемлекеттік кірістер басқармасында мемлекеттік қызметте болып, жетекші маман және бас маман лауазымдарын атқарды.

2024 жылы Саран қаласының ауыл шаруашылығы, жер қатынастары және кәсіпкерлік бөлімінде кәсіпкерлік секторының бас маманы қызметін атқарды.

2025 жылдың ақпан айынан бастап Саран қаласы әкімі аппаратының әкім көмекшісі қызметінде болып, өзекті мәселелерді шешуге және тұрғындармен өзара іс-қимылды ұйымдастыруға белсенді қатысты.

2026 жылғы 4 маусымнан бастап Саран қаласының тұрғын үй инспекциясы бөлімінің басшысы болып тағайындалды.