БЕКЕТОВ АЛЕКСАНДР АЛЕКСАНДРОВИЧ
Құрметті азаматы
Өмірбаян
1960 жылғы 22 наурызда дүниеге келген. 1977 жылы орта мектепті аяқтап, сол жылы Семей қаласындағы № 27 техникалық училищесіне оқуға түсті. Әскери борышын өтегеннен кейін жүргізуші курстарын тәмамдап, Бородулиха ауылының Орталық аудандық ауруханасында жедел жәрдем көлігінің жүргізушісі болып еңбек жолын бастады.
2003 жылы жеке кәсіпкер ретінде тіркелді. 2007 жылы Александр Бекетовтың бастамасымен Бородулиха ауылында техникалық қызмет көрсету станциясы ашылып, аудан инфрақұрылымының дамуына үлес қосты. 2022 жылы «Алмакос Плюс» ЖШС-нің құрылтайшысы болды. Аталған ұйым маусымдық өсімдіктерді өсірумен айналысады. Белсенді қоғам қайраткері. Ауылдағы бірде-бір бастаманы назардан тыс қалдырмайды, жыл сайын Бородулиха ауданы мен облыстың басқа да аудандарының ардагерлері арасында волейбол турнирін ұйымдастырып өткізеді. Бородулиха ауданының агроөнеркәсіптік секторын, әлеуметтік өмірін, экономикасы мен спортын дамытуға қосқан үлесі үшін бірнеше мәрте Алғыс хаттармен және Құрмет грамоталарымен марапатталған. |
