Аубакиров АЗАМАТ Жұмаханұлы

1982 жылғы 26 желтоқсанда Бородулиха ауданының Новая Шульба ауылында дүниеге келген. 2000–2004 жылдары Қазақ гуманитарлық-заң университетінде «Құқықтану» мамандығы бойынша білім алған.

Еңбек жолын 2004 жылы «Жерновское» ЖШС-де заңгер ретінде бастаған. 2007 жылы директордың орынбасары болып тағайындалып, 2016 жылдан бастап «Жерновское» ЖШС-нің директоры және құрылтайшысы қызметін атқарып келеді. Еңбек еткен жылдары ауыл шаруашылығы саласында бірнеше рет «Саланың көшбасшысы» наградасымен марапатталған.

2017 жылдан бастап Абай облысының Бесқарағай ауданында орналасқан «BA AgroGroup» ЖШС-нің қаржы директоры болып қызмет атқарады. Аталған серіктестік Бесқарағай ауданындағы ең ірі ауыл шаруашылығы кәсіпорны болып табылады. Кәсіпорын ауыл шаруашылығын дамытуға, өнімнің өнімділігін арттыру мен сапасын жақсарту үшін инновациялық агротехнологияларды енгізуге, инвестиция тартуға және жаңа жұмыс орындарын ашуға бағытталған.

Бородулиха аудандық мәслихатының V, VI, VII шақырылымдарының депутаты. 10 жылдан астам уақыт бойы ауданның әлеуметтік-экономикалық мәселелерін шешуге белсенді қатысып, әлеуметтік маңызы бар жобаларды жүзеге асырып, қаржыландырып келеді, сондай-ақ қайырымдылық көмек көрсетіп келеді.

«Шапағат» медалімен және «Ауыл шаруашылығының үздігі» құрметті белгісімен марапатталған.

2023 жылғы 30 наурыздан бастап Абай облыстық мәслихатының VIII шақырылымының депутаты.