Мейірманов Қайырбек Сәрсенбекұлы
Түркістан облысы ветеринария басқармасы басшысының орынбасары
Өмірбаян
«Қазақстан Республикасының мемлекеттік қызметі туралы» Қазақстан Республикасы Заңының 28-бабының 1-тармағына, 30- бабының 1-тармағына сәйкес, «Б» корпусының бос және уақытша бос мемлекеттік әкімшілік лауазымдарына конкурс өткізу тәртібімен конокурстық комисияның 13.01.2025 жылғы №4-2 хаттамалық шешіміне сәйкес, облыстық ветеринария басқармасының басшысы Ғ.Құрманбайдың 21.01.2025 жылғы №5 ж/қ санды бұйрығымен Мейірманов Қайырбек Сарсенбекұлы басқарма басшысының орынбасары лауазымына тағайындалды.
Жаңа орынбасарды Түркістан облысы ветеринария басқармасының басшысы Құрманбай Ғани ұжымға таныстырып, жұмысына сәттілік тіледі.
Мейірманов Қайырбек Сарсенбекұлы 1986 жылы 1 қазанда Қостанай облысы, Арқалық қаласында дүниеге келген. 2009-2011 жылдары Ветеринарлық дәрігер, агрономия мамандығы бойынша, М.Әуезов атындағы Оңтүстік Қазақстан Мемлекеттік Университеті мен Шымкент университетерін тәмамдаған.
- 2010 жылдың наурыз айынан бастап, 2012 жылдың қарашасы аралығында Шолаққорған ауылы әкімі аппаратының бас маман мал дәрігері;
- 2012 жылдың қарашасы мен 2012 жылдың желтоқсанына дейін, Созақ ауданы әкімдігінің кәсіпкерлік және ауылшаруашылығы бөлімінің бас маманы;
- 2012 жылдың желтоқсанынан бастап, 2014 жылдың тамызына дейін Созақ ауданы әкімінің көмекшісі;
- 2014 жылдың тамызынан бастап, 2015 жылдың тамызына дейін Созақ ауданы әкімі аппараты құжаттандыруды қамтамасыз ету және әкімшілік шаруашылық бөлімінің басшысы;
- 2015 жылдың тамызынан бастап, 2017 жылдың қарашасына дейін, Созақ ауданы әкімі аппараты ұйымдастыру және инспекторлық бөлімнің бас инспекторы;
- 2017 жылдың қарашасынан 2021 жылдың қазанына дейін Созақ ауданы әкімдігінің ауыл шаруашылығы бөлімінің басшысы;
- 2021 жылдың қазанынан бастап бүгінгі күнге дейін, Созақ ауданы әкімдігінің кәсіпкерлік және ауыл шаруашылығы бөлімінің басшысы қызметін атқарып келді.
