Досмұханов Диас Сержанұлы
Басқарма басшысының орынбасары
Өмірбаян
Диас Сержанұлы Досмұханов 1995 жылы туған, білімі жоғары. Жоғарғы оқу орындарын электр энергетикасы және құқықтану мамандықтары бойынша бітірген.
Еңбек жолын 2016 жылы «Талдықорған акционерлік электр жүйелерінің тасымалдау компаниясы» АҚ-да құрал-жабдықтарды жөндеу цехының, найзағайдан қорғау және диагностика қызметінің төртінші разрядты электр жөндеушісі болып бастаған.
Кейін, 2018-2025 жылдар аралығында Алматы облысының энергетика және тұрғын үй-коммуналдық шаруашылық басқармасының статистигі, жетекші маманы, бас маманы, энергетика бөлімінің басшысы, Жетісу облысының энергетика және тұрғын үй-коммуналдық шаруашылық басқармасының энергетика және инфрақұрылымдық даму бөлімінің басшысы, Жетісу облысы әкімінің аппараты ұйымдастыру-инспекторлық жұмыс бөлімінің бас инспекторы қызметтерін атқарды.
2025 жылдың сәуір айынан Жетісу облысының энергетика және тұрғын үй-коммуналдық шаруашылық басқармасы басшысының орынбасары болып тағайындалды.
