КУРМАНБАЕВ РАМАЗАН АЗЫМХАНОВИЧ
құрметті азамат
Өмірбаян
1947 жылы 10 тамызда Семей облысы, Бородулиха ауданы, Бородулиха ауылында дүниеге келген. 1967 жылы Ленинград ауылшаруашылық институтын инженер - электрик мамандығы бойынша бітірді. Еңбек жолын 1972 жылы Жарма ауданы Михайловский совхозында инженер-электрик болып бастаған. 1973 жылдан 1974 жылға дейін Кеңес Армиясы қатарында қызмет етті. 1974-1984 жылдар аралығында Бородулиха ауданы "Заветы Ильича" колхозының бас энергетигі, ал 1984-1996 жылдары - Агроөнеркәсіптік кешен қызметкерлерінің аудандық кәсіподақтар комитетінің төрағасы болып жұмыс істеді. 1996-2000 жылдары "Балапан" ЖП директоры, 2000-2003 жылдары "Асыл"ЖШС бригадасының бригадирі. 2003-2009 жылдары "НұрОтан"ХДП төрағасының бірінші орынбасары болып сайланды. Көптеген жылдар бойы Бородулиха ауданының Ардагерлер кеңесінің төрағасы болды. Бородулиха ауданының Ардагерлер кеңесінің төрағасы ретінде зейнеткерлердің, тыл еңбеккерлерінің мүдделерін білдіре отырып, ауданның қоғамдық өміріне белсенді қатысты. Бородулиха ауданының тұрғындары арасында лайықты беделге ие, оны жастар мен аға буын тыңдайды. Бірнеше рет аудандық партия комитетінің, облыстық кәсіподақ комитетінің, Қазсовпрофтың, ВЦСПС құрмет грамоталарымен марапатталды. Өскелең ұрпақты тәрбиелеудегі белсенді жұмысы үшін және әлеуметтік-экономикалық дамуға қосқан үлесі үшін бірнеше рет облыс және аудан әкімінің грамоталарымен марапатталды. "ҚР Тәуелсіздігіне 20 жыл" мерейтойлық медалімен, Бородулиха ауданының 95 жылдығына арналған мерейтойлық медальмен марапатталған. Қазақстан Республикасы Президентінің екі Алғыс хаты бар. Белсенді азаматтық ұстанымы бар, агроөнеркәсіп кешенінің, шаруалардың проблемаларын жақсы білетін, еңбек адамдарына құрметпен қарайтын адам.
