Кельбуганов Нуржан Амангельдинович

Нуржан Кельбуганов 1972 жылы туылған. Алматы теміржол көлігі инженерлері институтын және М.О.Әуэзов атындағы Семей университетін бітірді.

Келбуғанов Нұржан Амагелдіұлы еңбек жолын "ҚТЖ "ҰК" АҚ - "Алматы жол бөлімшесі"филиалының паркі бойынша кезекші болып бастады. Әр жылдары тасымалдау құжаттарын өңдеу жөніндегі оператор, станция бойынша кезекші, орталықтандыру бекетінің аға операторы, жол диспетчері, поездар құрастырушысы, станция, поезд диспетчері, қозғалыс ревизоры, "Қазақстан темір жолы "ҰК"АҚ филиалдарындағы бірқатар станциялар бастығының орынбасары және бастығы болып жұмыс істеді.

2008 жылдан - 2022 жылға дейін "ҚТЖ "ҰК" АҚ директорының орынбасары, филиалдарының директоры, департамент директоры, "ҚТЖ Жүк тасымалы" ЖШС атқарушы директоры, "ҚТЖ Жүк тасымалы"ЖШС Бас директорының орынбасары.

2024 жылғы наурыздан бастап Қазақстан Республикасы Көлік министрлігі теміржол және су көлігі комитеті төрағасының орынбасары. 2025 жылдың қазан айынан бастап Қазақстан Республикасы Көлік министрлігі теміржол және су көлігі комитетінің төрағасы.