Өмірбаян
1965 жылы 26 мамырда Семей облысы Бесқарағай ауданы Бөдене ауылында дүниеге келген. Ұлты – қазақ. Екі жоғары білімі бар. 1997 жылы «Семей» мемлекеттік университетін «Тарих» мамандығы бойынша, 2006 жылы Семей мемлекеттік педагогикалық институтын «Физика және информатика» мамандығы бойынша оқып бітірді.
Еңбек жолын 1989 жылы А.Кашаубаева атындағы совхозда зоотехнигі болып бастады, 1991 жылдан бастап 1992 жылға дейін А.Кашаубаева атындағы совхозда агроном, 1992-1993 жылдары – А.Кашаубаева атындағы совхозда мал шаруашылығының бригадирі, 1993 – 2000 жылдар аралығында Бөдене орта мектебінің география пәнінің мұғалімі, 2000 жылдан бастап 2006 жылға дейін Бөдене орта мектебі директорының тәрбие жөніндегі орынбасары, 2006-2020 жылдар аралығында Семей қаласы Чаган ауылының әкімі, 2020 жылғы наурыз айынан бастап маусым айына дейін Семей қаласының мәдениет және тілдерді дамыту бөлімінің тілдерді дамыту және ономастика секторының меңгерушісі, 2020 жылдың тамыз айынан бастап 2022 жылғы тамыз айына дейін Чекоман ауылы клубының директоры, 2022 жылдың қыркүйек айынан бастап 2023 жылғы қыркүйек айына дейін Бөдене орта мектебінің тарих мұғалімі. 2023 жылғы 25 қыркүйектен бастап – Абай облысы Бесқарағай ауданының Долон ауылдық округінің әкімі.