Атамқұлов Бейбіт Бәкірұлы
Қазақстан Республикасының Өзбекстан Республикасындағы Төтенше және Өкілетті Елшісі
Өмірбаян
Туған күні мен орны: 19 мамыр, 1964 ж., Алматы облысы.
Білімі: Қазақ политехникалық институты, Санкт-Петербург мемлекеттік Экономика және қаржы университеті. Экономика ғылымындағы PhD.
1985 жылы еңбек жолын Норильск тау-кен металлургия комбинатының мыс балқыту зауытында балқытушы болып бастады.
Өз мансабының басында Шымкент қорғасын зауытында, ҚР Сыртқы экономикалық байланыстар министрлігінде, «Қарағанды металлургия комбинаты» МАҚ-да және бизнесте жұмыс істеді.
2006 жылы Қазақстан Республикасы Сыртқы істер министрлігіне жұмысқа орналасты.
2006 жылдан 2008 жылға дейін – Қазақстанның Ресей Федерациясындағы және Иран Ислам Республикасындағы Елшілігінің Кеңесшісі және кеңесші-елшісі.
2008-2010 жылдары-Қазақстан Республикасының Франкфурт-Майндағы Бас консулы.
2010 жылдан 2012 жылға дейін - Қазақстан Республикасының Малайзиядағы және Индонезия Республикасындағы, Бруней-Даруссаламдағы және Филиппин Республикасындағы Төтенше және Өкілетті Елшісі.
2012 жылдан 2014 жылға дейін – Қазақстан Республикасы Индустрия және жаңа технологиялар министрлігінің Жауапты хатшысы.
2014-2015 жылдары-Қазақстан Республикасы Инвестициялар және даму министрлігінің Жауапты хатшысы.
2015-2016 жылдары Оңтүстік Қазақстан облысының әкімі.
2016 жылдан 2018 жылға дейін - Қазақстан Республикасының Қорғаныс және аэроғарыш өнеркәсібі министрі.
2018-2019 жылдары-Қазақстан Республикасының Сыртқы істер министрі.
2019-2022 жылдары-Қазақстан Республикасының Индустрия және инфрақұрылымдық даму министрі.
2022 жылғы 31 қазаннан бастап Қазақстан Республикасының Өзбекстан Республикасындағы Төтенше және Өкілетті Елшісі болып тағайындалды.
Дипломатиялық дәрежесі Төтенше және Өкілетті Елші.
